Esaia 5:17 - Tosi Tapu

¹⁷ E kai loa ni kau ovi ofaipe i lolatou faisaga, Ti e kai loa e ni kau matapule a koloa i fale maumau o le kau mou koloa.

Esaia 5:17 ပူးပေါင်းရင်းမြစ်များ

Neemia 9:37

Kua liuliuga e le kele ona fua ki sau ala na ke tuku ke motou popula ki ai, o tupu ko amatou agasala ; kua lotou pule faitalisa kia matou mo amatou kau manu, ti kua motou nonofo i se mamae lasi !

Pesalemo 119:70

E logo noa le loto ofaipe le gako ; Ko au, e kau maua oku fiafia i lau lao.

Pesalemo 17:10

E lotou tapono olatou tootooga, E lotou maua i olatou gutu ni masau fia nealasi.

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Pesalemo 73:7

E ulu le agaveli mei olatou tootooga, Ti e sa ki le malama a manatu o olatou loto.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 10:16

Koia e kakau loa e le Aliki, e le Aliki o kau tau, Le fakalaulautetea ki ana kau solia makeke ; Ti e malaga loa se vela lasi i le lolotoga o lona kololia, Io, se vela o tatau mo leia o le afi.

Esaia 17:2

Kua tiaki a kolo o Aloele, Kua tuku latou ki kau manu ; Kua lotou momoe i ai, ti e leaise tasi ke fakaii ia latou.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Esaia 7:25

Ti e leaise toe ano loa i ganea taualuga fuli ala na gaoi ai ki le piosi, O tupu ko le i ki uluvao gaoa mo talatala : E tuku loa ki ai le pipi, ti e takatakafi loa e le ovi le kele.

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Tagi laulau a Selemia 5:2

Kua fakalaka lomatou tofiga ki ni matapule, Mo omatou fale ki ni kakai kese.

Oseo 4:16

O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Sofoni 2:14

E momoe loa ni kau manu i loto malie o Ninive, Mo ni manu i faasiga kesekese ; Ko le palikano mo le eliso E nonofo fakatasi loa i puloga o ona pou ; E tagi loa a manu lele i katupa o ona fale ; E kamata loa le maumau i le mua matapa, Talie e tata loa a papa sete o aofi.

Sofoni 2:6

E liliu loa a mata tai ko ni fagaiaga manu, ko ni nofoaga ki le kau tausi manu, Ti ko ni lotoa ki kau manu.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.