Esaia 5:16 - Tosi Tapu

¹⁶ Kae e siki loa ki aluga le Eteleno o kau tau i lana fakamaau, Ti e fakamaokioki loa le Atua maokioki i le faitotonu.

Esaia 5:16 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Pesalemo 21:13

Talie e ke fakatitua loa latou, Ti e ke fafao loa lau kalolo o fana latou.

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 2:9

Koia e tamatamate loa a kau seka, ti e tuku loa ki lalo a kau lalasi : Talie e leaise ke fakamolemole loa kia latou.

Esaia 28:17

E kau fai loa ki le loto sako se lekula, Ti mo le maokioki se nivo ; Ti e maumaui loa e le ua fatu le solaaga o le kaka, Ti e lofia loa i le vai le mumuniaga o le loi.

Esaia 29:23

Talie, ka tio loa ana fanau ki le gaoiaga o oku lima i loto malie o latou, E lotou tapuaki loa ki loku suafa, E lotou tapuaki loa ki le Sagato o Sakopo, Ti e lotou i loa ki le Atua o Iselaele ;

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 33:10

E pati le Eteleno : I le aso nei e kau tuu loa ki aluga, I le aso nei e siki loa au ki aluga, I le aso nei e kau taualuga loa.

Esaia 33:5

E taualuga le Eteleno, Talie e nofo a ia i aluga ; E fakaapele e ia Sione I le faitotonu mo le maokioki.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 61:8

Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Esaia 8:13

Ko le Eteleno o kau tau leia e tonu ke kotou iloa ko le Maokioki, Ti ko ia leia e tonu ke kotou i ki ai, ti ke kotou lulu ki ia.

Esekiele 20:41

E kau tali loa koutou ofaipe se kaloni manogi fakaaloalofa, mo ka kau fakamavae loa koutou i loto malie o kakai, ti mo fakatasii koutou i fenua ala na kotou mavetevete ai ; ti e kotou fakasa loa i ai loku maokioki i mua o atu puleaga.

Esekiele 28:22

E ke pati loa : E folafola le Aliki, le Eteleno, o pati : Ko leinei, e kau mamafa kiate koe, Sitone ! E kau fakasa loa loku kololia i loto malie o ou ; Ti e lotou iloa loa ko au ko le Eteleno, I le aso leia e kau fai ai loa aku fakamaau kiate ia, I le aso leia e kau fakasa ai loa loku maokioki i loto malie o ona.

Esekiele 28:25

E folafola le Aliki, le Eteleno, o pati : I le aso leia e kau fakatasii ai loa le fale o Iselaele i loto malie o kakai ala na mavete ai, e kau fakasa loa iate ia loku maokioki i mua o atu puleaga, ti e lotou nonofo loa i lolatou fenua leia na kau soli ki laku tagata fakasausau ko Sakopo.

Esekiele 36:23

E kau fakamaokioki loa loku suafa lasi, leia na fakakelekele i lotolotoga o atu puleaga, leia na kotou aga o fakakelekele i loto malie o atu puleaga. Ti e iloa loa e atu puleaga ko au ko le Eteleno, e pati le Aliki, le Eteleno, i le aso leia e kotou fakamea ai loa loku suafa i olatou mua.

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Numelo 20:13

Ko vai ana o Melipa, ala na fakatupu fefele ai fanau a Iselaele ki le Eteleno, ti na fakasa loa e le Eteleno lona maokioki.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Uluaki tosi a Petelo 1:16

o mulimuli ki le nea leia kua tosi : E kotou maokioki loa, talie e kau maokioki.

Uluaki tosi a Petelo 2:15

talie ko le finegalo o le Atua, i lakotou fai ia le malie, ke kotou tapono a gutu o tagata valelea.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :

Apokalipisi 4:8

Ko manu mauuli ana e fa na tasi mo ia ni kapakau e ono, ti na lotou apele i mata, i tafa mo loto. Na leaise lotou malolo i le ao mo le po i le pati : Maokioki, maokioki, maokioki le Aliki Atua, le Mafimafi, leia na agai, leia e agai nei, leia e au !