Esaia 5:14 - Tosi Tapu

¹⁴ Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Esaia 5:14 ပူးပေါင်းရင်းမြစ်များ

Pesalemo 49:14

Ko lena lolatou ala, lolatou valea, Ti ko latou ala e mulimuli ia latou e fiafia i alatou masau. - Manava.

Pesalemo 55:15

Na ta nonofo fakatasi i le fealofani ti na ta felogoi malie ai ; Na ta ano fakatasi mo le kakai ki le fale o le Atua !

Taagapati 1:12

Tou folo mauli latou, ofaipe le nofoaga o le kau mate, Tou folo katoa latou, ofaipe latou ala e ifo ki le popoko.

Taagapati 27:20

Ofaipe le nofoaga o le kau mate mo le vanu e leaise makokona ; E leaise makokona foki a mata o le tagata.

Taagapati 30:16

Ko le nofoaga o le kau mate, mo le fafine paa, Mo le kele, leia na leikiaise apele i le vai, Ti mo le afi, leia e leaise pati i se aso : Kua feauga !

Esaia 14:11

Kua ifo lou laukau ki le nofoaga o le kau mate, O fakatasi mo le musika o au lute ; Kua tuku i ou lalo se moelaga ilo, Ti ko lou kie kafu ko ilo.

Esaia 14:9

Kua feosoaki le nofoaga o le kau mate o kaku ki ona fakatafito, O teuteu lau kaku ake ; Kua fafagu e ia i ou mua le kau mate, le kau lalasi o le malama nei, Ti kua fakatutuu e ia ki aluga mei olatou ekeekeaga fakasau a sau fuli o atu puleaga.

Esaia 21:4

Kua gaegae loku loto, Ti kua kau lulu i loku i ; Kua liliu le pouli o oku fiafia ko se pouli fakaii.

Esaia 24:8

Kua gato le fiafia o nafa, Kua oki le fiafia logoa, Kua gato le fiafia o le alepe.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esekiele 7:12

Kua soko mai le temi, kua ofi mai le aso ! Ke aua na fiafia leia e totogi, Ke aua na mamae leia e fakatau ! Talie kua mapaa le sausau ki le kakai katoa.

Taniela 5:30

I le po fai lena, na tamate loa Pelesatesale, sau o le kau Kaletea.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Apakuki 2:5

Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Mateo 7:13

Kotou ulu i le matapa lau ikiiki. Talie e lau lasi le matapa, ti e lau lasi mo le ala leia e ano ki le maumau, ti e toka api latou ala e ulu i ai.

Luka 17:27

Na kai mo inu a tagata, mo avaga ti mo fakaavaga alatou fanau, o kaku ki le aso leia na ulu ai a Noe ki le aleka ; ti na to loa le lomaki, o lotou mamate fuli ai.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.