Esaia 5:10 - Tosi Tapu

¹⁰ Talie e maua loa i le faisaga vite, leia e alepate kau agafulu lona lasi, se pate fai e tasi ; Ti e fakatupu loa e le omele pulapula se efa fai e tasi.

Esaia 5:10 ပူးပေါင်းရင်းမြစ်များ

Ekesote 37:22

Na fai a pome mo maga o le tuuaga malama ki le potu aulo e tasi leia na tuki ; ko le potu aulo e tasi na tuki, ti ko se aulo mea a ia.

Esaia 32:13

I le kele o loku kakai Kua tupu a laakau talatala mo vao sukisuki, I fale fakafiafia fuli O le kolo o le fiafia.

Esaia 7:23

I le aso lena, E tiaki loa ke vaoa A ganea fuli ala e maua ai loa ni tafito vite e afe, Ala na totogi ki sikele siliva e afe : E sosomo loa i ai a vao talatala mo vao sukisukia.

Selemia 48:33

Kua puli le fiafia mo le nekenekea i kolo vao Ti mo le fenua o Moape ; Na kau fakamasa le vino i tane vino ; E leaise koi takatakafi i le fiafia le fua o le vite i le tatauaga vino. E i ai ni kalaga ki le tau, kae leaise ko ni kalaga o le fiafia.

Soele 1:17

Kua malo a pulapula i le kele ; Kua lavaki a tanakiaga magiti ; Kua maumau a fale koloa, Talie e leaise koi maua se fulumeto.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Levitiko 27:16

Ti kapau e fakatapui loa e se tagata lana faisaga ki le Eteleno, e fakafuafua loa lona totogi ki le lasi o le pulapula leia e to i ai : ko fa sikele paaga e kau lima ki kilo fulumeto e kau lelau tolu.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Akeseo 2:16

I le temi a ia, ka ano se tasi ki se tuuga fulumeto ke asu mai ni fua e kau lua, Na maua fai e ia ni fua e kau agafulu ; Ka ano se tasi ki le poe vino ke asu mai ni fua vino e kau lima, Na maua fai e ia ni fua e kau lua.

Tetelonome 28:38

E ke to loa se pulapula lasi ki lau faisaga, kae e ke maua loa se ga fuata ikiiki, talie e kai loa a ia e le seseivaka.

Tetelonome 28:39

E ke to loa ni faisaga vite, ti e ke tausi loa latou, kae e leaise ke inu loa se vino, ti e leaise ke tau loa se fuai vite, talie e kai loa a ia e le unufe.