Esaia 49:9 - Tosi Tapu

⁹ Ke fakasa ia ki le kau popula : Kotou mavae ! Ti mo latou ala e nonofo i le fakapouli : Kotou au ki le malama ! E lotou fai loa pe se kau manu leia e kai i ala, Ti e lotou maua loa ni faisaga mutie sesega i mauga fuli.

Esaia 49:9 ပူးပေါင်းရင်းမြစ်များ

Pesalemo 102:20

Talie e tio a ia mei le ganea taualuga o lona maokioki ; Mei aluga o le atu lagi, e tio le Eteleno ki le malama nei,

Pesalemo 146:7

E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 69:33

E tio ki le nea lena le kau mativa, ti e lotou fiafia loa : Ke mauli okoutou loto, koutou ala e afa ia le Atua !

Esaia 41:18

E kau fakamavaa loa ni vaitafe i mauga liliki, Ti mo ni matamata i loto malie o vaivailiua ; E kau fakaliliu loa le toafa ko se vai tanaki, Ti mo le kele kaka ko ni tafe ;

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 5:17

E kai loa ni kau ovi ofaipe i lolatou faisaga, Ti e kai loa e ni kau matapule a koloa i fale maumau o le kau mou koloa.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Esekiele 34:29

E kau fakatuu loa kia latou se faisaga laakau leia e logologona loa ; ti e leaise toe pakupaku loa aku ovi i le fenua, ti e leaise lotou toe amo loa le luma o puleaga.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Levitiko 25:54

Kapau e leaise toe totogi a ia e se nea i nea ana, e mavae loa a ia i le fetuu o le supileo, a ia mo ona fanau.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Soane 10:9

Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Tetelonome 32:13

Na ave e ia a ia ki potu taualuga o le fenua, Ti na kai e Iselaele a fua o faisaga ; Na fakasali e ia kiate ia le meli o le utu, Mo le lolo leia e sali mei le utu fefeka,

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,