Esaia 49:7 - Tosi Tapu

⁷ Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 49:7 ပူးပေါင်းရင်းမြစ်များ

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Pesalemo 47:9

E pule le Atua i atu puleaga, E eke le Atua i lona ekeekeaga fakasau maokioki.

Pesalemo 68:31

Ke ke tautea le kolokotile, Mo le kau pipi tagata mo le kau pipi tagata muli o atu kakai, Ala e tulolo mo ni piesi paaga ! Ke ke fakamavete a kakai ala e fiafia i le tau !

Pesalemo 69:19

Ke ke fakafeofi mai ki loku laumalie, o saofaki a ia ! Saofaki au, o tupu ko oku fili !

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Esaia 19:23

I le temi foki lena, e i ai loa se ala mei Esipito ki Asilia : E ano loa le kau Asilia ki Esipito, ti mo le kau Esipito ki Asilia ; Ti e tausi loa le kau Esipito mo le kau Asilia ki le Eteleno.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 48:7

E lotou soko i le temi nei, ti e leaise lotou kau ki le temi kua sili ; O kaku ki lolatou soko mai, na leaise ke lave fua ki ai, O tupu ke aua na ke pati : ko leinei, na kau iloa a ia.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Esaia 60:10

E toe laga loa e vosa o le tagata matapule ou paa, Ti e liliu loa olatou sau ko au tagata fakasausau ; Talie na kau taai a koe i loku sausau, Kae i loku manava alofa na kau alofa kiate koe.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 60:3

E saele ni puleaga i lou malama, Ti mo ni sau i le gigila o lou kololia.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Sakalia 11:8

Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 26:67

I le nea lena, na lotou anuanusi loa ona mata, mo soka loa a ia, ti mo fepataki loa a ia, o pati :

Luka 22:27

Talie ko ai leia e lasi, pe ko leia e eke i le laupapa, pe ko leia e fakasausau ? Pe leaise ko leia e eke i le laupapa ? Kae ko au, e kau nofo i loto malie o koutou ofaipe leia e fakasausau !

Luka 23:18

Na lotou kalaga fakatasi fuli loa : Ke mate a ia, kae fakalauatea a Palapasi.

Luka 23:23

Kae na lotou toe kalaga fakamakeke, o kole ke kulusifiko a ia. Ti na fakalogo loa Pilato ki alatou kalaga,

Luka 23:35

Na tutuu le kakai i ai, o tio. Na gologolo le kau pule kiate ia, o pati : Na saofaki e ia ni kakai kese ; ke saofaki e ia a ia totonu mo kapau ko ia ko le Kilisito, ko le Filifiliia a le Atua.

Soane 18:40

Ti na lotou toe kalaga fuli loa : Leai a ia, kae ko Palapasi. Kae ko Palapasi ko se tagata kaia a ia.

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Soane 19:6

I le tio a le kau pule faisakilifisio ti mo le kau leo kiate ia, na lotou kalaga leo lasi loa : Kulusifikoi ! Kulusifikoi ! Na pati loa Pilato kia latou : Kotou too a ia e koutou totonu, ti kotou kulusifiko a ia ; talie ko au, e leaise kau maua fua se sala iate ia.

Uluaki tosi ki le kau Kolinto 1:9

E agatonu le Atua, leia na kalagai ia koutou ki le komunio o lona Alo, ko Sesu-Kilisito lotatou Aliki.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Uluaki tosi a Petelo 2:4

Kotou fakafeofi kiate ia, ko le fatu mauli, leia kua tiaki maoki e tagata, kae kua filifili e le Atua, ti e mauiga kiate ia ;

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :