Esaia 49:23 - Tosi Tapu

²³ E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:23 ပူးပေါင်းရင်းမြစ်များ

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Senesi 43:26

I le kaku ake a Sosefo ki fale, na lotou momoli loa kiate ia le moliga leia na lotou aumai, ti na lotou punou loa o kaku ki le kele i mua o Sosefo.

Pesalemo 138:4

E fakafetai loa a sau fuli o le malama nei kiate koe ! Mo ka lotou logo loa ki folafola o lou gutu.

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 34:22

E tamate e le malaia le tagata agaveli, Ti e tautea a fili o le tagata agatonu.

Pesalemo 68:31

Ke ke tautea le kolokotile, Mo le kau pipi tagata mo le kau pipi tagata muli o atu kakai, Ala e tulolo mo ni piesi paaga ! Ke ke fakamavete a kakai ala e fiafia i le tau !

Pesalemo 69:6

Ei Atua ! e ke iloa loku valea, Ti e leaise munia aku sala kiate koe.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 14:2

E too loa latou e kakai, o toe fakaliliu ki olatou nofoaga, Ti e toe maua loa latou e le fale o Iselaele i le fenua o le Eteleno, Ofaipe ni tagata fakasausau mo ni fafine fakasausau ; E lotou fakapopula loa latou ala na fakapopula ia latou, Ti e lotou pule loa kia latou ala na fakaveliveli ia latou.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 29:22

Koia e folafola ai le Eteleno ki le fale o Sakopo, Leia na totogi ia Apalaamo : I le aso nei, e leaise toe luma loa Sakopo ; I le aso nei, e leaise toe mamae loa ona mata.

Esaia 41:20

O tupu ke lotou tio, ke lotou iloa, Ke lotou tokaga, ti ke lotou matala Ko le lima o le Eteleno leia na fai ia a nea ana, Ko le Sagato o Iselaele leia na fakatupu ia latou.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 50:7

Kae na tokoi kiate au e le Aliki, le Eteleno ; Koia na leaise kau matagafua ai, Koia na kau fakafefeka ai oku mata ofaipe se fa fatu, Talie e kau iloa e leaise kau luma loa.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esaia 52:6

Koia e iloa loa e loku kakai loku suafa i se aso ; Koia e iloa loa e ia, i le aso lena, Ko au leia na folafola : Ko leinei au !

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 60:3

E saele ni puleaga i lou malama, Ti mo ni sau i le gigila o lou kololia.

Esaia 62:2

Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Esekiele 37:6

E kau soli loa ni ua kia koutou, ti e kau fakasomo loa ia koutou se kanofi, ti e kau kofu loa koutou ki se kili, ti e kau tuku loa kia koutou se laumalie, ti e kotou mauli loa. Ti e kotou iloa loa ko au ko le Eteleno.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Mikea 7:17

E lotou epo loa le efu, ofaipe le gata, Ofaipe manu totolo o le kele ; E maua loa latou e le i, i tafa olatou kolo tau ; E lotou lulu loa i mua o le Eteleno, lotatou Atua ; E lotou i loa kiate koe.

Numelo 11:12

Pe ko au leia na fakatupu ia le kakai fuli leinei ? Pe ko au leia na fanaui ia a ia, ke ke pati mai ai kiate au : luluku a ia i lou fatafata, ofaipe se fafine leia e puaki ia se toe, ti ke ave a ia ke kaku ki le fenua leia na ke fakapapau ki ona tamana ke soli kiate ia ?

Mateo 25:16

Ko leia na tali ia a fa tenalio e lima na ano aifai a ia, o fakagaoii latou ke fua, ti na toe maua loa e ia ni iki ake fa tenalio e lima.

Loma 10:11

E leaise luma loa leia e tui kiate ia.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Uluaki tosi a Petelo 2:6

Talie e pati i le Tosi : Ko leinei, e kau tuku i Sione se fatu agele, na filifili, mauiga ; Ti ko leia e tui kiate ia e leaise luma loa.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.