Esaia 49:18 - Tosi Tapu

¹⁸ Siki ake ou mata, o tio takatakai, ti ke tio : E lotou fakatasi fuli, ti e lotou au kiate koe. E kau mauli ! e pati le Eteleno, E ke kofu loa kia latou ofaipe se kofu fakateuteu, E ke nonoa loa latou i ou vakavaka ofaipe ni titi o se taine avaga.

Esaia 49:18 ပူးပေါင်းရင်းမြစ်များ

Senesi 13:14

Na pati loa le Eteleno kia Apalamo, i le oki o le mavae o Lote iate ia : Siki ou mata, ti ke tio mei le ganea leia e ke nofo ai ki le potu noleto mo le potu saute, ki le potu esite mo le potu uesite ;

Senesi 22:16

o pati : E kau fakapapau iate au totonu, folafola a le Eteleno ! Talie na ke fai le nea lena, ti na leaise ke fakafiti mai kiate au lou vosa, lou fuatasi,

Taagapati 17:6

Ko fanau o fanau ko le pala o le kau matua, Ti ko tamana ko le kololia o olatou fanau.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 49:22

Koia na folafola ai le Aliki, le Eteleno : Ko leinei, e kau siki loa loku lima ki atu puleaga, E kau toso loa laku manumanu ki atu kakai ; Ti e lotou aumai loa ou vosa i olatou lima, Ti e lotou amo loa ou taineliki i olatou tuauma.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 54:7

I se ga temi ikiiki na kau tiaki a koe, Kae i se alofa lasi e kau tali loa a koe ;

Esaia 54:9

Talie e fai loa kiate au pe le lomaki i le temi o Noe : Na kau fakapapau e leaise toe to loa le lomaki ia Noe ki le malama nei ; E kau toe fakapapau foki ke aua na kau toe ita kiate koe, Ti ke aua na kau toe valoki a koe.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Selemia 2:32

Pe galoi e le taine taupoou ona teu ? Pe galoi e le taine feauaki lona kilipipi ? Kae na galoi au e loku kakai Talu mei fualoa.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 43:12

E tuku loa e ia le afi ki fale o atua o Esipito ; e tutu loa e Nepukatenesale a taulaatua, pe ave popula loa e ia latou ; ti e pulupulu loa a ia ki le fenua o Esipito ofaipe le tagata tausi ovi leia e takatakai ki lona taupulupulu, ti e mavae loa a ia mei Esipito i le tokamalie.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Numelo 14:21

Kae e kau mauli ! ti e fakaapele loa e le kololia o le Eteleno le malama nei katoa !

Soane 4:35

Pe leaise kotou pati, koi toe foki ni masina e fa ki le temi tuuti o le fulumeto ? Ko leinei, e kau pati atu kia koutou, kotou siki ake okoutou mata ti kotou tio malie ki faigasaga fulumeto kua matutua ti kua tonu ke tuuti.

Apokalipisi 21:2

Ti na kau tio loa e ifo mei le lagi, mei tafa o le Atua, le kolo maokioki, le Selusalemi foou, ti kua teuteu a ia ofaipe se taine feauaki leia kua teuteui ki lona avaga.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !