Esaia 49:17 - Tosi Tapu

¹⁷ E fai makape mai ou vosa ; Ko latou ala na maumaui ia ti na kaia ia a koe E mavae loa i loto malie o ou.

Esaia 49:17 ပူးပေါင်းရင်းမြစ်များ

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esekiele 28:24

Ti e leaise toe liliu loa a ia ki le fale o Iselaele Ko se talai laakau leia e fakalavea ia, se laakau sukisuki leia e fakamasae ia, I lotolotoga o latou fuli ala e takatakai ia a ia ti e vesia kiate ia. Ti e lotou iloa loa ko au ko le Aliki, le Eteleno.

Esaia 49:19

I ou kolo maumau mo lavaki, I lou fenua maumau E kopikopi loa lou kakai i le aso lena ; Ti ko latou ala na kai ia a koe e fakamamao loa.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Neemia 2:17

Ti na kau pati loa kia latou : E kotou tio ki le malaia kua tou nofo ai ! Kua maumaui Selusalemi ti kua tutu o okioki ona matapa e le afi ! Kotou au, tou toe lagai le paa o Selusalemi, ti e leaise tou toe nofo loa i le luma.

Esetalasi 1:5

Ko pule famili o Suta mo Pesamino, mo le kau faisakilifisio, mo le kau Levi, ti mo latou fuli ala na fafagu olatou loto e le Atua, na tutuu ake loa ke ano o laga le fale tapu o le Eteleno i Selusalemi.

Pesalemo 137:3

I lena, na kole mai e latou ala na pule kia matou ni sua, Ti mo latou ala na fakaveliveli kia matou le fiafia : Kotou sua mai kia matou ni katiko o Sione !

Esaia 37:18

E maoki, ei Eteleno, na maumaui e sau o Asilia a fenua fuli ti mo lolatou fenua totonu,

Esekiele 36:10

E kau tuku loa kia koutou ni tagata o lasi ai, I le fale katoa o Iselaele. E toe nofoi loa a kolo, Ti e toe lagai loa le nea leia na maumaui.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.