Esaia 49:12 - Tosi Tapu

¹² Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 49:12 ပူးပေါင်းရင်းမြစ်များ

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:18

Siki ake ou mata, o tio takatakai, ti ke tio : E lotou fakatasi fuli, ti e lotou au kiate koe. E kau mauli ! e pati le Eteleno, E ke kofu loa kia latou ofaipe se kofu fakateuteu, E ke nonoa loa latou i ou vakavaka ofaipe ni titi o se taine avaga.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 59:19

Ti e i loa ki le suafa o le Eteleno mei le sopoaga o le laa, Ti mo lona kololia mei le toaga o le laa. Ka au loa le fili ofaipe se vaitafe, E kapu loa a ia e le Laumalie o le Eteleno.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Mateo 8:11

Ti e kau fakasa atu kia koutou, e au loa se toka api mei le sopoaga o le laa mo le viloaga o le laa, ti e lotou eke loa i le laupapa mo Apalaamo, mo Isaake, ti mo Sakopo i le Puleaga o Selo.

Luka 13:29

E au loa mei le sopoaga o le laa mo le galoaga o le laa, mei le potu tokelau mo le potu toga ; ti e lotou kai loa i le puleaga o le Atua.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.