Esaia 49:10 - Tosi Tapu

¹⁰ E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 49:10 ပူးပေါင်းရင်းမြစ်များ

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 25:4

Talie na ke liliu ko se tokoi ki le tagata gaegae, Ko se mumuniaga ki le tagata mativa i le mamae, Ko se ulufaga i le afa, Ko se malu i le vevela ; Talie e tatau le tukumanava o le kau tukipo Mo le sasataki leia e taai ia se paa fatu.

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 33:16

Ko ia lena e nofo loa i ni ganea taualuga ; Ko lona maloloaga loa ko ni utu makeke ; E soli loa kiate ia se pane, Ti e sali tuumau loa kiate ia se vai.

Esaia 35:6

I le aso lena e soposopo loa le kito ofaipe se tia, Ti e sua fakafiafia loa le alelo o le gutu mate. Talie e mapuna loa ni vai i le toafa, Ti mo ni vaitafe i le ganea lavaki ;

Esaia 35:7

E liliu loa le one kaka ko ni vai, Ti mo le kele malo ko ni matapuna vai ; I le ganea leia na nofo ai a pili e tupu ai loa ni u mo ni kofe.

Esaia 4:6

E liliu loa le kololia o le Eteleno ko se fakamalumaluaga i le vevela o le ao, Ti ko se mumuniaga mo se maloloaga i le afa mo le ua.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 41:17

E afa e le kau fakaaloalofa mo le kau mativa se vai, kae e leaise maua a ia ; Kua malo olatou alelo i le fia inu. Ko au, le Eteleno, e kau tali loa latou ; Ko au, le Atua o Iselaele, e leaise kau tiaki loa latou.

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Esaia 51:14

Kua vave fua ti ko leia na mapelu i tini e saofaki loa ; E leaise mate loa a ia i le pilisoni, Ti e leaise puli loa le pane kiate ia.

Esaia 52:12

Aua na kotou mavae fakatavili, Aua na kotou sosola ; Talie e ano loa le Eteleno i okoutou mua, Ti e mulimuli loa le Atua o Iselaele ia koutou.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Sonasi 4:8

I le sopo ake o le laa, na fakaagi loa e le Atua se matagi vevela mei le esite, ti na tutu loa e le laa le fa ulu o Sonasi, o fakapouli ai ona mata. Ti na kole loa e ia le mate, o pati : E malie ake le mate kiate au i le mauli.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.