Esaia 48:6 - Tosi Tapu

⁶ E ke logo ! fakakaukau ki nea fuli ana ! Ti ko koutou, pe leaise kotou fakamaoki loa ki ai ? I le aso nei, e kau fakasa kiate koe ni nea foou, Na fufu, na leaise iloa iate koe.

Esaia 48:6 ပူးပေါင်းရင်းမြစ်များ

Pesalemo 107:43

Ke tokaga leia e poto ki nea ana, Ti ke matala a ia ki agamalie o le Eteleno.

Pesalemo 119:13

I oku laugutu e kau lau A fakamaau fuli o lou gutu.

Esaia 21:10

Ei loku kakai, leia na ta ofaipe le ta o le fulumeto i le taaga fulumeto, Ko le nea leia na kau ako mei le Eteleno o kau tau, Atua o Iselaele, Na kau fakasa a ia kia koutou.

Esaia 42:20

Na ke tio ki nea mauke ai, kae na leaise ke tokaga fua ki ai ; Na fakamavaa a taliga, kae na leaise logo fua.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 42:9

Ko leinei, kua soko a uluaki nea, Ti e kau fakasa atu kia koutou ni nea foou ; E kau fakasa fakatomua atu latou kia koutou, kae e leikiaise lotou soko.

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 48:7

E lotou soko i le temi nei, ti e leaise lotou kau ki le temi kua sili ; O kaku ki lolatou soko mai, na leaise ke lave fua ki ai, O tupu ke aua na ke pati : ko leinei, na kau iloa a ia.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 33:3

Fetapa mai kiate au, ti e kau tali atu loa kiate koe ; E kau fakasa loa kiate koe ni nea lalasi, ni nea fakapulipuli, Ala e leaise ke iloa.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Mikea 6:9

E kalaga le leo o le Eteleno ki le kolo, Ti ko leia e poto e i loa ki lona suafa. Kotou logo ki le fakaaliali o le tautea ti mo leia e kakau ia a ia !

Mateo 10:27

Ko le nea leia e kau fakasa atu kia koutou i le fakapouli, kotou fakasa a ia i le lauatea ; ti ko le nea leia e fakamusumusui atu ki okoutou taliga, kotou fakasa a ia i le taufufu.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Apokalipisi 1:19

Tosi le nea leia kua ke tio ki ai, le nea leia e soko nei, ti mo le nea leia e tonu ke soko ki muli.

Apokalipisi 4:1

Ti na sili le nea lena, na kau tio loa, ti ko leinei, kua mavaa se matapa i le lagi. Ko le uluaki leo leia na kau logo ki ai, ofaipe le tagi o se fakatagi pupusi, ti na masau mai kiate au, na pati loa : Pale mai ki leinei, ti e kau fakatio loa a koe ki le nea leia e tonu ke soko ki muli.