Esaia 48:5 - Tosi Tapu

⁵ Na kau fakasa fakatomua kiate koe a nea ana talu mei mamao, Ti na kau fakasa atu latou kiate koe kae leikiaise lotou soko, O tupu ke aua na ke pati : Ko loku taulaatua leia na fai ia latou, Ko loku fakatata laakau pe ko loku fakatata ukamea, leia na fakatotonu ia latou.

Esaia 48:5 ပူးပေါင်းရင်းမြစ်များ

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 44:7

Ko ai, ofaipe au, na fai ia ni kikite Talu mei le aso leia na kau fakatupu ai le kakai afea ? Ke fakasa mai e ia ti ke tuku mai e ia ni ana fakamaoki ! Ke lotou fakasa le temi ka au ti mo nea ka soko !

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Esaia 48:3

Talu mei fualoa na kau fakasa a nea ala na soko i le kamataaga, Na lotou mavae mei loku gutu, ti na kau fakasa latou : Na fokifa kua kau gaoi, ti na lotou soko.

Luka 1:70

Ofaipe lana fakasa i le gutu o ana polofeta maokioki i temi afea,

Gaoi 15:18

Ti na fakasa ia latou talu mei fualoa.