Esaia 48:20 - Tosi Tapu

²⁰ Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 48:20 ပူးပေါင်းရင်းမြစ်များ

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Esetalasi 2:1

Ko nei latou o le fenua ala na toe liliu mei le popula, latou ala na ave popula ki Papilone e Nepukatenesale, sau o Papilone, ti na toe liliu loa ki Selusalemi i Suta, o tasi ano ki lona kolo.

Pesalemo 126:1

Katiko o fanoga tapu. I le toe aumai loa e le Eteleno le kau popula o Sione, Na motou faipe latou ala na fai ia se moe miti.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 24:14

Kua lotou too se sua, kua lotou fai ni kalaga nekenekea ; Kua lotou fakavikiviki ki le mafimafi o le Eteleno i mata tai.

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 48:6

E ke logo ! fakakaukau ki nea fuli ana ! Ti ko koutou, pe leaise kotou fakamaoki loa ki ai ? I le aso nei, e kau fakasa kiate koe ni nea foou, Na fufu, na leaise iloa iate koe.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 51:14

Kua vave fua ti ko leia na mapelu i tini e saofaki loa ; E leaise mate loa a ia i le pilisoni, Ti e leaise puli loa le pane kiate ia.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 52:11

Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 31:11

Talie e toe totogi e le Eteleno Sakopo, E saofaki e ia a ia i le lima o se tasi e makeke ake iate ia.

Selemia 31:21

Fakatuu ni fakamailoga, fakatuu ni pou, Tokaga ki le ala lasi, mo le ala ikiiki leia na ke ano ai… Toe liliu mai, taine taupoou o Iselaele, Toe liliu mai ki kolo anei o ou !

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 50:28

Kotou fakalogo ki tagi a latou ala e sosola, a latou ala e sosola i le fenua o Papilone, O fakasa i Sione le lagavaka a le Eteleno, lotatou Atua, Mo le lagavaka o lona fale tapu !

Selemia 50:8

Kotou sosola i Papilone, kotou sosola i le fenua o le kau Kaletea, Ti kotou fai pe ni koti tagata ala e takitaki ia le kau manu !

Selemia 51:45

Kotou mavae i Papilone, ei loku kakai, Ti ke tasi saofaki e le tagata lona mauli ! Kotou sosola i le sausau lasi o le Eteleno !

Selemia 51:48

Ki Papilone e sua fakafiafia loa le lagi mo le kele, Ti mo nea fuli i ai ; Talie e au loa kiate ia le tagata maumau mei le noleto, E pati le Eteleno.

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Sakalia 10:8

E kau vekai ia loa latou ti e kau fakatasi loa latou, talie e kau totogi latou, Ti e lotou liuliuga loa ofaipe le temi mua.

Sakalia 2:10

Taine o Sione, Ke ke fai ni kalaga fakafiafia ti ke ke nekenekea ! Talie ko leinei, e kau au, ti e kau nofo loa i loto malie o ou, E pati le Eteleno.

Tetelonome 30:4

Pe kaku foki lou fakamavete ki le potupotu o le lagi, e toe fakatasii loa a koe mei ai e le Eteleno, lou Atua, talie e ano loa a ia o toe too a koe mei ai.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 18:4

Ti na kau logo loa ki se tasi ake a leo mei le lagi, na pati : Ei loku kakai, kotou mavae meiate ia, o tupu ke aua na kotou kau i ana agasala, ti ke aua na kotou kau i ona malaia.