Esaia 48:2 - Tosi Tapu

² Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Esaia 48:2 ပူးပေါင်းရင်းမြစ်များ

Neemia 11:1

Ti na nofo loa le kau pule o le kakai i Selusalemi. Ti na fai loa le toso e le toega o le kakai ke au se tagata e tasi i le tino agafulu o nofo i Selusalemi, le kolo maokioki, kae nonofo a la ake i olatou kolo.

Neemia 11:18

Ko le lasi o le kau Levi i le kolo tapu, ko tino lelau lua tino valu tupu fa.

Pesalemo 48:1

Katiko. Pesalemo o vosa o Kole.

Pesalemo 87:3

Na masaui ni nea fakakololia o uiga mo koe ! Ei kolo o le Atua - Manava.

Esaia 10:20

I le aso lena, Ko le toetoega o Iselaele mo latou ala na sao i le fale o Sakopo, E leaise toe fanaki loa ki leia na taai ia latou. Kae e lotou fanaki loa i le loto katoa ki le Eteleno, le Sagato o Iselaele.

Esaia 47:4

Ko lomatou fakamauli, ko leia e igoa ko le Eteleno o kau tau, Ko le Sagato o Iselaele.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 51:15

Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 21:2

Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mateo 27:53

Na lotou mavae loa mei tanuma, ti na lotou ulu loa ki le kolo tapu, i le oki o le toe tuuake o Sesu, ti na lotou sa loa ki ni kakai toka api.

Mateo 4:5

Na ave loa a ia e le Tiapolo ki le kolo tapu, o fakanofo i aluga o le fale tapu,

Loma 2:17

A koe, leia e ke fakaigoa a koe ko le Sutea, e ke fanaki katoa ki le lao, e ke nekenekea i le Atua,

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.

Apokalipisi 21:2

Ti na kau tio loa e ifo mei le lagi, mei tafa o le Atua, le kolo maokioki, le Selusalemi foou, ti kua teuteu a ia ofaipe se taine feauaki leia kua teuteui ki lona avaga.

Apokalipisi 22:19

ti kapau e too loa e se tasi se nea i folafola o le polofesia o le tosi leinei, e too loa e le Atua lona vaega i le laakau o le mauli ti mo le kolo maokioki, ala kua tosi i le tosi leinei.

Tuifakamaau 17:13

Ti na pati loa Mika : I le aso nei, e kau iloa e tapuaki loa le Eteleno kiate au, talie kua kau nofo mo se tagata Levi ke fai ia ni sakilifisio kiate au.