Esaia 48:17 - Tosi Tapu

¹⁷ Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 48:17 ပူးပေါင်းရင်းမြစ်များ

Senesi 24:48

Ti na kau tulolo loa ki le kele o atolasio ki le Eteleno. Ti na kau fakafetai ki le Eteleno, le Atua o loku aliki ko Apalaamo, leia na agatonu o taki mai au, o tupu ke kau too ki lona vosa le taine o le taina o loku aliki.

Uluaki tosi o Sau 8:36

ke ke tali loa latou mei le atu lagi, ke ke fakamolemole loa le agasala o au tagata fakasausau ti mo lou kakai ko Iselaele, leia e ke ako loa ki ai le ala malie leia e tonu ke lotou saele ai, ti ke ke kakau mai loa le ua ki le kele leia na ke tuku ke maua tofiga e lou kakai !

Sopo 36:22

E lasi le Atua i lona mafimafi ; Ko ai e iloa ia le akonaki ofaipe ia ?

Pesalemo 25:12

Ko ai le tagata leia e i ki le Eteleno ? E fakasa loa e le Eteleno kiate ia le ala leia e tonu ke filifili e ia.

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 71:17

Ei Atua ! na ke ako au talu mei loku ikiiki, Ti na kau fakasa au nea malilie o kaku mai ki le aso nei.

Pesalemo 73:24

E ke taki loa au i lou poto, Ti e ke tali loa au i lou kololia.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 28:9

E lotou pati : Ko ai leia e loto Esaia ke ako ki ai le poto ? Ko ai leia e ke loto ke tuku ki ai ni akonaki ? Pe ki ni uviki toe ala nao puaki fua, Pe ki ni toe ala nao too mai fua mei le u o le tinana ?

Esaia 30:20

E soli atu loa e le Eteleno kia koutou se pane i le oge, Ti mo se vai i le mamae ; Ko latou ala e ako ia a koe e leaise toe mumuni loa, Kae e tio loa ou mata kia latou ala e ako ia a koe.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Esaia 43:16

Ko leinei le folafola a le Eteleno, Leia na tofa ia se ala i le tai, Leia na tofa ia se anoaga i loto malie o atu vai makeke,

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Soane 6:45

E tuu i le tosi a le kau polofeta : E ako loa latou fuli e le Atua. Koia ko leia e logo ki le Tamana, ti e tali ia lana akonaki, e au kiate au.

Efeso 4:21

mo kapau foki kua kotou logo kiate ia, ti mo kapau foki kua akoi koutou iate ia, o mulimuli ki le maoki leia e maua ia Sesu.

Sosue 3:4

Kae ke i ai loa se vasa ia koutou mo le aleka, ko ni tukilima e lua afe : ke aua na kotou fakafeofi ki ai. E fakasa atu loa e ia kia koutou le ala leia ke kotou ano ai, talie e leikiaise kotou ano i le ala lena.