Esaia 48:16 - Tosi Tapu

¹⁶ Kotou fakafeofi mai kiate au, ti kotou fakalogo ! Talu mei le kamataaga, na leaise kau masau fakafufu ; Talu mei le kamataaga o nea ana, na kau nofo i ai. Kae i le aso nei, ko le Aliki, le Eteleno, na kakau mai au mo lona Laumalie.

Esaia 48:16 ပူးပေါင်းရင်းမြစ်များ

Esaia 34:1

Atu puleaga, kotou fakafeofi mai, o fakalogo ! Kakai, kotou tokaga ! Ke logo le kele, a ia mo nea fuli e fakaapele ia a ia, Ke fakamaoki le malama nei, a ia mo nea fuli na tupu i ai !

Esaia 41:1

Atu motu, kotou fakalologo o fakalogo mai kiate au ! Ke fakafoou e kakai fuli lolatou makeke ! Ke lotou soso mai, ti ke lotou masau ! Tou fakafeofi fakatasi ki le fakamaau !

Esaia 43:13

E kau Atua talu le kamataaga, Ti e leaise tasi e saofaki ia mei loku lima ; E kau gaoi loa : ko ai e taofi ia loa au ?

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 57:3

Kae ko koutou ake ala, kotou fakafeofi mai ki leinei, vosa o le fafine fai nea fakatemonio, Sakoga o le fafine tono mo faiaga !

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Soane 18:20

Na tali loa Sesu kiate ia : Na kau masau fakalauatea ki le malama nei ; na kau akonaki tuumau i le sinakoka ti mo le fale tapu, leia na fakatasi ai le kau Sutea katoa, ti na leaise kau pati fakafufu ki se nea.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.