Esaia 48:11 - Tosi Tapu

¹¹ O tupu ko le alofa kiate au, o tupu ko le alofa kiate au, leia na kau fai ai le nea lena ; Talie kolea e fakakelekele ai loa loku suafa ? E leaise kau soli loa loku kololia ki se tasi kese.

Esaia 48:11 ပူးပေါင်းရင်းမြစ်များ

Pesalemo 106:8

Kae na fakamauli loa e ia latou o tupu ko lona suafa, Ke fakasa ai lona mafimafi.

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 25:11

Eteleno, e ke Atua ! Koia e ke fakamolemole ai ki laku agaveli, talie e lasi ai a ia.

Pesalemo 25:7

Ke aua na ke manatui a sala o loku temi tupulaga ti mo aku agasala ; Ke ke manatui au o mulimuli ki lou manava alofa, O tupu ko lou agamalie, ei Eteleno !

Esaia 37:35

E kau puipui loa le kolo leinei ke fakamauli a ia, O tupu ko au, o tupu ko Tavite, laku tagata fakasausau.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 48:5

Na kau fakasa fakatomua kiate koe a nea ana talu mei mamao, Ti na kau fakasa atu latou kiate koe kae leikiaise lotou soko, O tupu ke aua na ke pati : Ko loku taulaatua leia na fai ia latou, Ko loku fakatata laakau pe ko loku fakatata ukamea, leia na fakatotonu ia latou.

Esaia 48:9

Kae o tupu ko loku suafa, e kau taofi loku sausau kiate koe ; O tupu ko loku kololia, e kau taofi loku lima kiate koe, Ke aua na kau tuuti a koe.

Esaia 52:5

I le aso nei, e pati le Eteleno : Kolea e kau fai loa Talie na too noa loku kakai ? Ko latou ala e pule fakamakeke kiate ia e kalaga fia tagata, Ti e lotou lauveli ki loku suafa i le aso katoa.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Esekiele 20:14

Kae na kau toe fakapoipoi ki loku suafa, o tupu ke aua na fakalialia a ia i mua o puleaga ala na tio ki laku fakamavae latou i Esipito.

Esekiele 20:22

Kae na kau taofi loku lima, ti na kau gaoi o tupu ko loku suafa, ke aua na fakalialiai a ia i mua o puleaga ala na tio ki laku fakamavae latou i Esipito.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Esekiele 20:44

Ti e kotou iloa loa ko au ko le Eteleno, mo ka kau gaoi loa kia koutou, o tupu ko loku suafa, kae e leaise tupu ko akoutou agaveli ti mo akoutou gaoi fakalialia, ei fale o Iselaele ! e pati le Aliki, le Eteleno.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Esekiele 36:22

Koia ke ke pati ki le fale o Iselaele : E folafola le Aliki, le Eteleno, o pati : E leaise kau fai a nea anei o tupu ko koutou, fale o Iselaele, kae tupu ko loku suafa maokioki, leia kua kotou aga o fakakelekele i puleaga ala na kotou ano ki ai.

Taniela 9:17

Koia i le aso nei, ei lomatou Atua, ke ke fakalogo mai ki le kole mo tagi a lau tagata fakasausau, ti e tupu ko lou suafa, ke ke tio mo ke alofa ki lou sagatualio leia kua maumau !

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Loma 2:24

Talie kua lauvelii le suafa o le Atua i le kau pagani o tupu ko koutou, ofaipe lona tuu i le Tosi.

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.