Esaia 48:1 - Tosi Tapu

¹ Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Esaia 48:1 ပူးပေါင်းရင်းမြစ်များ

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Senesi 35:10

Ti na pati loa le Atua kiate ia : Ko lou igoa ko Sakopo. E leaise toe igoa loa a koe ko Sakopo, kae e igoa loa a koe ko Iselaele. Ti na soli loa e le Atua kiate ia le igoa ko Iselaele.

Lua tosi o Sau 17:34

I le aso nei, koi lotou muli aifai ki alatou agai fenua masani : e leaise lotou i fua ki le Eteleno, ti e leaise lotou muli fua ki alatou lao mo alatou fakatuutuu, ti toe tatau ki le lao mo fakatotonu ala na tuku e le Eteleno ki fanau a Sakopo leia na fakaigoa loa e ia ko Iselaele.

Lua tosi o Sau 5:20

Ka na pati loa Keasi, tagata fakasausau a Eliseo, tagata a le Atua, i lona loto : Ko leinei, na leaise tali e loku pule se nea i nea alofa meia Naamane, le tagata Silia ; e mauli le Eteleno ! ka kau makape loa i ona muli, ti e kau maua loa se nea meiate ia.

Pesalemo 63:11

E tuku loa latou ki le seleta, E lotou liliu loa ko le nea kai a kuli vao.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 68:26

E muamua le kau sua, ti olo atu latou ala e faimusika, I loto malie ko taineliki o ta alatou tapulini.

Pesalemo 68:27

Kotou fakafetai ki le Atua i fakatasiga, Kotou fakafetai ki le Aliki, sakoga o Iselaele !

Ekesote 23:13

E kotou taupau loa a nea fuli ala kua kau fakasa kia koutou, ti aua na kotou puaki ia loa se igoa o se atua kese : ke aua na sa i lou gutu lona igoa.

Taagapati 5:16

Pe tonu ke sali ou matapuna ki fafo ? Pe tonu ke se sali ou vaitafe i potu apiapi.

Esaia 26:13

Eteleno, lomatou Atua, na pule kia matou ni iki ake a pule kese iate koe ; Kae kua motou fetapa ki lou suafa o tupu ko lou alofa toka tasi.

Esaia 44:5

E pati loa le tasi : Ko au a le Eteleno ; E loto loa le tasi ki le igoa o Sakopo ; E tosi loa e le tasi ake ki lona lima : ki le Eteleno ! Ti e puaki loa e ia i le alofa le igoa o Iselaele.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 46:12

Kotou fakalogo mai kiate au, kakai loto fefeka, Ala ko fili o le maoki !

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 65:16

Talie ko leia e loto ke tapuakina i le fenua, E loto loa ke tapuakina a ia i le suafa o le Atua o le maoki ; Ti ko leia e fakapapau loa i le fenua, E fakapapau loa i le suafa o le Atua o le maoki ; Talie e galoi loa a mamae afea, E fufu loa latou ki oku mata.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Selemia 5:2

Tatau aifai pe lotou pati : E mauli le Eteleno ! E lotou fai se fakamaoki loi.

Levitiko 19:12

Aua na kotou fai loa se fakamaoki loi i loku suafa, talie e ke fakakelekele loa i ai le suafa o lou Atua. Ko au ko le Eteleno.

Mikea 2:7

Fale o Sakopo, pe ke toa i le masau felaaki ? Pe ita vave le Eteleno ? Pe ko lana fai masani a ia ? Pe leaise malie aku masau Ki leia e saele i le agatonu ?

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Sakalia 5:3

Na pati mai loa a ia kiate au : Ko le tosi lena o le malaia leia e mafola loa ki le fenua katoa. Talie e tuu i le tasi fetuu e kapu loa a tagata kaia fuli mei le fenua leinei, ti e tuu i le tasi fetuu e toe kapu foki latou fuli ala na fai fakapapau loi mei le fenua leinei.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Numelo 24:7

E sali le vai mei ona pakete, Ti e fakavai lona pulapula e ni atu vai lalasi. E malaga lona sau o taualuga ake ia Akake, Ti e liliu lona puleaga o makeke.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Soane 4:24

E laumalie le Atua, ti e tonu kia latou ala e atolasio kiate ia, ke atolasio kiate ia i le laumalie mo le maoki.

Loma 2:17

A koe, leia e ke fakaigoa a koe ko le Sutea, e ke fanaki katoa ki le lao, e ke nekenekea i le Atua,

Loma 9:6

E leaise kau pati na leaise fua le folafola a le Atua. Talie e leaise Iselaele latou fuli ala e au meia Iselaele.

Loma 9:8

ko lona uiga : E leaise ko fanau o le kanofi ala ko fanau a le Atua, kae ko fanau o le fakapapau ala e lau ko le sakoga.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.

Tetelonome 5:28

Na logo loa le Eteleno ki akoutou masau i le temi leia na kotou masau mai ai kiate au, ti na pati mai loa le Eteleno kiate au : Kua kau logo ki masau ala na fai atu e le kakai lena kiate koe : e malie a nea fuli ala kua lotou masau ki ai.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Uluaki tosi kia Timoteo 4:2

o tupu ko le malualoi o le kau toketa loi, ala kua mate olatou atamai, o sakinake na tutu latou ki se ukamea kaka ;

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.