Esaia 47:9 - Tosi Tapu

⁹ Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Esaia 47:9 ပူးပေါင်းရင်းမြစ်များ

Pesalemo 73:19

Kolea koia ! I se kemo o le mata ko lena latou kua maumau ! Kua too latou, kua lotou pupuli i se mate fakafokifa !

Esaia 13:16

E laliki loa alatou fanau i olatou mua, Ti e kaia loa olatou fale, ti e fakamakeke loa alatou fafine.

Esaia 21:9

Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 47:11

E au loa le malaia kiate koe, Kae e leaise ke tio loa ki lana au ; E vilo loa le tautea kiate koe, Kae e leaise toe mafai loa ke ke malui a koe ; E vilo fakaofolele loa le maumau kiate koe, I le temi leia na leaise ke talitali ki ai.

Selemia 15:9

Ko le fafine leia na fanaui ia ni vosa e fitu e gaegae, E tuku e ia lona laumalie ; E to lona laa kae koi ao ; E matagafua a ia, e apele a ia i le luma. Ko latou ala e toe, e kau tuku latou ki le seleta i mua o olatou fili, E pati le Eteleno.

Selemia 51:29

E galulu le kele, e lulu a ia ; Talie e fakasoko ki Papilone le fakatuutuu a le Eteleno ; E fakaliliu loa e ia le fenua o Papilone ko se toafa sala kakai.

Taniela 2:2

Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 4:7

Ti na au loa le kau fai nea fakatalatupua, mo le kau sivi fetuu, mo le kau Kaletea, ti mo le kau kikite. Na kau fakamatala loa kia latou le moe miti, kae na leaise lotou fakasa mai kiate au lona uiga.

Taniela 5:30

I le po fai lena, na tamate loa Pelesatesale, sau o le kau Kaletea.

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Naume 3:4

Se tupu ko le lasi o faiaga a le fafine faiaga, Leia na poto i lona teuteu ke fulumalie, Leia na fakapopula ia a atu puleaga ki ana faiaga Ti mo atu kakai ki ana kaka.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Lute 1:20

Na pati loa Naomi kia latou : Aua se kotou fakaigoa au ko Naomi, kotou fakaigoa au ko Mala, talie kua fakaapele au e le Mafimafi ki le kona.

Lute 1:5

Na toe mamate loa Makelone mo Kilisone, ti na nofo toka tasi loa Naomi, kua pupuli ona tama e toka lua mo lona avaga.