Esaia 47:6 - Tosi Tapu

⁶ Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 47:6 ပူးပေါင်းရင်းမြစ်များ

Lua tosi a Samuele 24:14

Na tali loa Tavite kia Kate : E kau nofo i se i lasi ai ! Oi ! Ke tou vilo ki lima o le Eteleno, talie e lasi ai lona manava alofa ; kae ke aua na kau vilo ki lima o tagata !

Lua tosi o Koloniko 10:11

Ko leinei, na teki e loku tamana se amoga mamafa kia koutou, ti ko au, e kau fakaliliu loa a ia ke toe mamafa ake ; na ta koutou e loku tamana ki le suipi, kae ko au, e kau ta loa koutou ki le laakau talatala.

Lua tosi o Koloniko 28:9

Na nofo i ai se polofeta a le Eteleno, na igoa ko Oteto. Na ano loa a ia o fakafetaulaki ki le solia leia na toe liliu mai ki Samalia, ti na pati loa a ia kia latou : Ko le sausau o le Eteleno, le Atua o okoutou tamana, ki Suta, leia na tuku atu ai e ia latou ki okoutou lima, ti kua kotou tamate fakaveliveli latou i le lasi o lokoutou ita leia kua pale o kaku ki le lagi.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Lua tosi o Koloniko 36:20

Na ave loa e Nepukatenesale o fakapopula i Papilone latou fuli ala na sao i le seleta ; ti na lotou popula loa kiate ia, kiate ia mo ona vosa, o kaku ki le pule a le puleaga o Pelesi,

Esetalasi 5:12

Kae na agasala loa omatou tamana o tupu ai le sausau o le Atua o le lagi, leia na tuku ia loa latou ki lima o Nepukatenesale, tagata Kaletea, sau o Papilone, leia na maumaui ia le fale leinei ti na ave popula ia loa le kakai ki Papilone.

Pesalemo 69:26

Tuku ke maumaui olatou nofoaga, Ti ke aua na toe nofo se tasi i olatou falela !

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 13:16

E laliki loa alatou fanau i olatou mua, Ti e kaia loa olatou fale, ti e fakamakeke loa alatou fafine.

Esaia 14:17

Leia na fakaliliu ia le malama nei o toafa, Leia na maumaui ia mo kaia ia a kolo, Leia na leaise toe fakamavaa ia a fale o lana kau pilisoni ?

Esaia 14:6

Leia na taai ia a kakai i lona itaita Ki ni tautea faisosoko ; Leia na pule i le fakamakeke ki atu puleaga, Kua tuli fakaveliveli.

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Tagi laulau a Selemia 1:14

Na sai e lona lima le kavega o aku agaveli ; Ti na lotou fui ia ti mo sai ia loku ua ; Na fatii e ia loku makeke ; Na tuku au e le Aliki ki ni lima ala e leaise mafai ke kau tuu ki ai.

Tagi laulau a Selemia 1:21

Na logo ki aku tagi, kae na leaise fakapelepele au e se tasi. Na iloa e oku fili fuli loku malaia, Na lotou fiafia o tupu ko koe leia na fai ia a ia ; E ke aumai loa, e ke fakasa loa le aso leia e lotou fai ai loa pe au.

Tagi laulau a Selemia 2:2

Na maumaui sala alofa e le Aliki a nofoaga fuli o Sakopo ; Na soloi e ia i lona ita a kolo tau o le taine o Suta, Na tekai e ia latou ki le kele ; Na fakakelekele e ia le puleaga mo ona pule.

Tagi laulau a Selemia 4:16

Kua veteki latou e le Eteleno i lona sausau, E leaise koi fia tio ona mata kia latou ; Na leaise fakaapaapa ki tagata faisakilifisio, Na leaise alofa ki matua.

Tagi laulau a Selemia 5:12

Na tautau ni pule e olatou lima ; Na leaise fakaapaapa ki le matua.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 28:16

O tupu ko le lasi o lau fai koloa Na ke apele i le agamakeke, ti na ke agasala ; E kau ti a koe ki lalo i le mauga maokioki o le Atua, Ti e kau kapu a koe, selupino leoleo, I loto malie o fatu gigila.

Apetiasi 1:10

O tupu ko lau agamakeke ki lou taina ko Sakopo, E ke apele loa i le luma, Ti e motusi loa a koe o lee gato.

Apetiasi 1:16

Talie, ofaipe koutou, kau Iselaele, na kotou inu le ipu o loku sausau i loku mauga maokioki, E inu loa e atu puleaga fuli o leaise toe oki ; E lotou inu loa, e lotou konana loa, Ti e lotou puli noa loa ofaipe se kakai leia na leaise tupu.

Sakalia 1:12

Ti na folafola loa le aselo o le Eteleno, o pati : Eteleno o kau tau, e kaku loa kiafea lau nofo e leaise ke alofa ki Selusalemi mo kolo o Suta, ala na ke sausaua ki ai talu mei fetuu e kau fitu ?

Sakalia 1:15

Ti kua kau mamae lasi ki puleaga fia nealasi ; talie na ikiiki fai loku mamae i mua, kae kua lotou fakalasi a ia.

Mateo 7:2

Talie e fakamaui loa koutou ki le fakamaau leia na kotou fai, ti e fuafua loa koutou ki le fua leia na kotou fakaaoga.

Tetelonome 28:50

se puleaga leia e fakaii, ti e leaise fakaapaapa ki le matua sina, ti e leaise alofa ki fanau liliki.

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.