Esaia 47:5 - Tosi Tapu

⁵ Tonatona fakalologo, ti ke ke ano ki le fakapouli, Taine o le kau Kaletea ! E leaise toe fakaigoa loa a koe ko le fafine aliki o atu puleaga.

Esaia 47:5 ပူးပေါင်းရင်းမြစ်များ

Pesalemo 31:17

Fakasa le gigila o ou mata ki lau tagata fakasausau, Fakamauli au i lou kalasia !

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Esaia 14:23

E kau fakaliliu loa a ia ko le nofoaga o le eliso ti ko se pela, Ti e kau seu loa a ia ki le seupenu o le maumau, E pati le Eteleno o kau tau.

Esaia 14:4

E ke too loa le sua leinei ki le sau o Papilone, Ti e ke pati loa : E a koia ! kua puli le tagata tukipo ! Kua gato le popula !

Esaia 21:9

Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 23:2

Kotou fakalologo i lokoutou punamauli, koutou ala e nonofo i le mata tai, Koutou ala e fakaapele ki koloa e le kau faikoloa o Sitone, ala e feanoaki i le tai !

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Selemia 25:10

E kau fakagato loa ia latou a kalaga fakafiafia mo kalaga nekenekea, a sua a le tama feauaki mo sua a le taine feauaki, le logoa o le fatu fakamalu fulumeto mo le ula o le malama.

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Apakuki 2:20

E nofo le Eteleno i lona fale tapu maokioki. Ke fakalologo le malama nei katoa i ona mua !

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Suta 1:13

Ko ni galu itaita latou o le tai, ala kua laku ia le piau o olatou mauli fakakelekele ; ko ni fetuu lele latou, ala kua taofi ki ai le uli gaogao o le fakapouli lee gato.

Apokalipisi 17:18

Ti ko le fafine leia na ke tio ki ai, ko le kolo lasi leia e maua ia le pule fakasau ki sau fuli o le malama nei.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !

Uluaki tosi a Samuele 2:9

E taupau loa e ia a lakaaga o ona alofaaga. Kae e tuku loa e ia le kau agaveli ki le fakapouli ; Talie e leaise malo loa le tagata ki le makeke.