Esaia 47:2 - Tosi Tapu

² Ke ke too a fatu fakamaluu, ti ke ke fakamaluu le falina ; Too lou pulou, kutukutu lou kofu, Tuku ke fakatekateka ou vae, fakalaka i vaitafe lalasi !

Esaia 47:2 ပူးပေါင်းရင်းမြစ်များ

Senesi 24:65

Na pati loa Lepeka ki le tagata fakasausau : ko ai le tagata lena e au i le faisaga o fakatautau mai kia tatou ? Ti na tali loa le tagata fakasausau : Ko loku aliki. Ti na too loa e Lepeka lona pulou o puloui ai ona mata.

Uluaki tosi o Koloniko 19:4

Ti na too loa e Anune a tagata fakasausau a Tavite, o tele olatou kaukava mo kotii lua olatou kofu o fakatautonu mo loto malie o olotou tega. Ti na kakau loa e ia latou ke ano.

Sopo 31:10

Ti ke gaoi laku avaga ki se tasi ake tagata, Ti ke faitalisa ni iki kiate ia !

Ekesote 11:5

Ti e mamate loa a fanau uluaki i le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le fafine fakasausau, leia e tuu i muli o le fatu fakamaluu fulumeto, ti mo uluaki fuli o manu.

Ekelesiasi 12:4

i mua o le fakapouli o le laa mo le malama, mo le masina ti mo fetuu, ti mo le toe au o ao i le oki o le ua,

Esaia 20:4

E ave popula fenaaki loa e le sau o Asilia mei Esipito mo Etiopia a tagata tupulaga mo matua, ala e saele telefua loa mo saele kilii vae loa, ti e fakatekateka loa olatou tua : ko se luma a ia ki Esipito !

Esaia 3:17

E fakaliliu loa e le Eteleno ke tula a tumuaki o ulu o taineliki o Sione, Ti e fakasa loa e le Eteleno lolatou telefua.

Esaia 3:23

Mo tiloata tilotilo, ti mo kofu maninifi, Mo kie sai o ulu, ti mo kie sai o ua.

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 13:26

E kau kutukutu loa lou kofu o kaku ki ou mata, O tupu ke tio ki lou luma.

Selemia 25:10

E kau fakagato loa ia latou a kalaga fakafiafia mo kalaga nekenekea, a sua a le tama feauaki mo sua a le taine feauaki, le logoa o le fatu fakamalu fulumeto mo le ula o le malama.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Tagi laulau a Selemia 5:13

Na amo e le kau tupulaga le fatu fakamalu, Na sisiga a toe liliki i ni amoga fafie.

Oseo 2:3

Kotou pati ki okoutou fetaina : Ami ! (loku kakai) ki okoutou tuagaane : Lusama ! (fafine leia kua tuku ki ai le manava alofa).

Mikea 1:11

Fakalaka, a koe leia e nofo i Safili, i le telefua mo le luma ! E leaise koi toa leia e nofo i Tesanani i le ulu ki fafo. E tagi laulau leia e nofo i Pete-Aetesele, Ti e leaise koi feala ke sola ki ai.

Mateo 24:41

i fafine e toka lua ala e fakamalu ia le fulumeto i le fatu, e too loa le tasi kae tuku loa le tasi.

Luka 17:35

I ni fafine e toka lua ala e fakamaluu ia le fulumeto, e too loa le tasi kae tuku loa le tasi.

Uluaki tosi ki le kau Kolinto 11:5

Ti ko le fafine fuli e faikole pe kikite, kae leaise puloui lona ulu, e fakalumai e ia lona pule : E tatau le fafine lena mo leia kua tele lona ulu.

Tuifakamaau 16:21

Na too loa a ia e le kau Filisitini, ti na lotou kape loa ona mata ; na lotou ave loa a ia ki Kasa, ti na lotou saisai loa a ia ki ni tini kapa. Na mio loa e ia le masini mio fulumeto i le fale pilisoni.