Esaia 47:11 - Tosi Tapu

¹¹ E au loa le malaia kiate koe, Kae e leaise ke tio loa ki lana au ; E vilo loa le tautea kiate koe, Kae e leaise toe mafai loa ke ke malui a koe ; E vilo fakaofolele loa le maumau kiate koe, I le temi leia na leaise ke talitali ki ai.

Esaia 47:11 ပူးပေါင်းရင်းမြစ်များ

Neemia 4:11

Kae na pati omatou fili : E leaise lotou iloa loa ti e leaise lotou tio loa ki se nea o kaku ki latatou kaku loa ki loto malie o latou, o tamate latou ti mo taofi le gaoi.

Pesalemo 35:8

Ke tapo fakaofolele latou e le maumau, Ke lotou pikiia i le masele leia na lotou fai, Ke lotou vivilo ki ai ti ke lotou mamate ai !

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Pesalemo 55:15

Na ta nonofo fakatasi i le fealofani ti na ta felogoi malie ai ; Na ta ano fakatasi mo le kakai ki le fale o le Atua !

Pesalemo 73:19

Kolea koia ! I se kemo o le mata ko lena latou kua maumau ! Kua too latou, kua lotou pupuli i se mate fakafokifa !

Taagapati 13:21

E tuli e le malaia latou ala e agasala, Kae e fakapale e le manuia le kau agatonu.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 29:5

E fai loa le api o ou fili pe se ao efu, Ti e fai loa le kau solia api lena pe se tuuga penu leia kua mavetevete i le matagi. Kae e soko fakapunamauli loa le nea leinei i le temi e tasi :

Esaia 30:13

E liliu loa le sala lena kia koutou Ofaipe se mafaa i se paa taualuga leia e talitali fai ke solo ; E sa loa se makita i le mafaa, ti e fokifa fai kua solo a ia i le temi e tasi :

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Selemia 51:29

E galulu le kele, e lulu a ia ; Talie e fakasoko ki Papilone le fakatuutuu a le Eteleno ; E fakaliliu loa e ia le fenua o Papilone ko se toafa sala kakai.

Selemia 51:43

Kua maumau ona kolo, Kua malo le kele mo toafa ; Ko se fenua leia e leaise koi nofo ai se tasi, Ti e leaise koi fakalaka ai se tasi.

Selemia 51:8

Fokifa kua vilo Papilone, o fatifati ! Kotou tagi kiate ia, kotou too se lolo ke faitoo ai lona lavea. E lagi toe mauli loa a ia !

Tagi laulau a Selemia 1:21

Na logo ki aku tagi, kae na leaise fakapelepele au e se tasi. Na iloa e oku fili fuli loku malaia, Na lotou fiafia o tupu ko koe leia na fai ia a ia ; E ke aumai loa, e ke fakasa loa le aso leia e lotou fai ai loa pe au.

Esekiele 7:26

E soko le malaia ki le malaia, E muli le logo veli i le logo veli ; E lotou afa ni tio ki polofeta ; E leaise koi iloa e le kau faisakilifisio le lao, E leaise koi maua e le kau matua ni tokoi.

Mateo 18:34

Ti na ita lasi ai lona pule, ti na ave loa e ia a ia ki le pilisoni ke mamae i ai, o kaku ki lana ui katoa lona maua.

Luka 12:59

E kau fakasa kiate koe, e leaise ke mavae loa mei ai kae e leikiaise ke ui lou maua o kaku ki le fa piesi fakaoki.

Luka 17:27

Na kai mo inu a tagata, mo avaga ti mo fakaavaga alatou fanau, o kaku ki le aso leia na ulu ai a Noe ki le aleka ; ti na to loa le lomaki, o lotou mamate fuli ai.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Apokalipisi 3:3

Koia ke ke manatui ai pe na feaki lau tali mo lau logo ki le folafola, ti ke ke kukumi a ia, ti ke ke fakasemala. Kapau e leaise ke tokaga, e kau au loa ofaipe se tagata kaia, ti e leaise ke iloa loa pe ko le ola fea leia e kau au ai loa o fakamauatoka a koe.