Esaia 47:10 - Tosi Tapu

¹⁰ Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Esaia 47:10 ပူးပေါင်းရင်းမြစ်များ

Pesalemo 10:11

E pati a ia i lona loto : E loto galogalo le Atua ! E tapono e ia ona mata, e leaise tio a ia i se aso !

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 64:5

Ke kaloloi fakafufu le tagata agatonu ; E lotou kaloloi fakapunamauli a ia, ti e leaise lotou maua ia fua se ga i.

Ekelesiasi 8:8

E leaise pule le tagata ki lona mauli, ti e leaise maua e ia se makeke ki le aso o le mate ; e leaise saoaga i le tau lena, ti e leaise feala ke saofaki e le agaveli le kau agaveli.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 47:8

Fakalogo mai i le lakaga nei ki le nea leinei, taine fia aliki, A koe leia e ekeeke fia fafine, Ti e pati i lou loto : Ko au fai, ti ko au fai toka tasi ! E leaise kau lokonui loa i se aso, Ti e leaise kau sala fanau loa i se aso !

Esaia 5:21

Malaia kia latou ala e popoto kia latou totonu, Ti e manatu e lotou atamai !

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Esekiele 8:12

Na pati mai loa a ia kiate au : Vosa o le tagata, pe kua ke tio ki le nea leia e fai fakafufu e le kau matua o le fale o Iselaele, e le tagata taki toka tasi i lona kogafale leia kua apele i taulaatua ? Talie e lotou pati : e leaise tio mai le Eteleno kia tatou, ti kua tiaki e le Eteleno le fenua.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Sofoni 2:15

Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.

Loma 1:22

I lalatou pati e lotou poto, kua lotou liliu o valea ;

Uluaki tosi ki le kau Kolinto 3:19

Talie ko le poto o le malama nei ko se valea a ia i mua o le Atua. Talie kua tosi : E tapo e ia le kau poto i lalatou fia poto.