Esaia 47:1 - Tosi Tapu

¹ Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 47:1 ပူးပေါင်းရင်းမြစ်များ

Sopo 2:13

Ti na lotou nonofo loa ki le kele mo Sopo i aso e fitu mo po e fitu, kae na leaise fakamavaa fua olatou gutu, talie na lotou tio kua lasi ai lona mamae.

Sopo 2:8

Ti na too loa e Sopo se kiva o vaku ki ai lona tino, ti na tonatona loa a ia i le mugalafu.

Pesalemo 137:8

Taine o Papilone, leia na maumau, Manuia leia e liufaki atu ia kiate koe, Le veli leia na ke fai kia matou !

Pesalemo 18:27

Ki leia e mea e ke fakasa lou mea, Ki leia e agatuu e ke fai o mulimuli ki lana agatuu.

Pesalemo 89:44

Na ke fakasolomuli le mata o lana seleta, Ti na leaise ke tokoi kiate ia i le tau.

Esaia 13:1

Ko le folafola kikite ki Papilone, leia na fakasa kia Esaia, vosa o Amotesito.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 21:1

Folafola a le Atua ki le toafa o le tai. Ofaipe le malaga a le sasataki mei le potu saute, E au a ia mei le toafa, mei le fenua fakaii.

Esaia 23:12

Na pati a ia : Taine o Sitone, taupoou kua maumaui ! E leaise ke toe fakafiafia loa. Ti kapau e ke tuu loa ki aluga, o ano ki le fenua o Kitimi, E leaise ke maua ai foki se maloloaga.

Esaia 26:5

Na fakaifo e ia ki lalo latou ala na nonofo i ganea taualuga, Na tuku e ia ki lalo le kolo fia nealasi, Na peesi e ia a ia ki le kele, Na fakasogi e ia a ia ki le efu.

Esaia 3:26

E fetagisi loa a matapa o Sione ti e lotou mamae loa ; Ti e tonatona telefua loa Sione i le kele.

Esaia 37:22

Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 52:2

Ke ke tu le efu iate koe, ke ke tuu ki aluga, Ke ke eke ki lou ekeekeaga, Selusalemi ! Ke ke tatala a va i lou ua, Taine o Sione leia na popula !

Selemia 13:18

Pati ki le sau mo le fafine sau : Kolua tonatona ki le kele ! Talie kua vilo mei okoulua ulu Le pala fakasau leia na teu fakaaliki ia koulua.

Selemia 46:11

Pale ki Kalaate, too se lolo faitoo, Taine taupoou, taine o Esipito ! E leaise uiga o lau liuliuga faitoo, Talie e leaise ke toe mauli loa.

Selemia 48:18

Ifo mei le nofoaga o le kololia, o tonatona i le kele malo, A koe, taine o Tiponi ! Talie kua pale mai kiate koe le tagata maumau o Moape, Ti e maumaui e ia ou kolo tau.

Selemia 50:1

Na tuku loa le folafola a le Eteleno ki le polofeta ko Selemia o uiga mo Papilone, o uiga mo le fenua o le kau Kaletea :

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Selemia 51:1

E folafola le Eteleno, o pati : Ko leinei, e kau lagai loa ki Papilone Ti mo le kakai o Kaletea Se matagi maumau.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Selemia 51:51

Na motou luma i lamotou logo ki lauveli ; Na apele omatou mata i le luma, I le aso na ulu ni matapule Ki le sagatualio o le fale o le Eteleno.

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Tagi laulau a Selemia 4:5

Ko latou ala na kai ki nea kai malilie Kua mamate i ala ; Ko latou ala na tupu ake i le velevete Kua sogi ki faikauga o manu.

Esekiele 26:16

E ifo loa a aliki fuli o le tai i olatou ekeekeaga fakasau, E lotou tatala loa olatou taupulupulu, Ti e lotou tuku loa olatou kofu fakamailoga ; Kae lotou kofu loa ki le i, ti e lotou tonatona loa ki le kele ; E lotou lulu loa i temi fuli, Ti e lotou ofolele lasi loa o tupu ko koe.

Esekiele 28:17

Na malaga ki aluga lou loto o tupu ko lou fulumalie, Na ke fakakelekele lou poto ki lou kololia ; E kau ti a koe ki le kele, E kau tuku a koe ki mua o sau ke lotou tio kiate koe.

Sonasi 3:6

Na kaku loa le nea ki le sau o Ninive ; ti na tuu ake loa a ia i lona ekeekeaga fakasau, o tatala lona taupulupulu, kae tui loa e ia se taga, ti na tonatona loa a ia i le mugalafu.

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Sakalia 2:7

Ke ke sola, Sione, A koe leia e nofo i le fale o le taine o Papilone !

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !