Esaia 46:9 - Tosi Tapu

⁹ Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Esaia 46:9 ပူးပေါင်းရင်းမြစ်များ

Sopo 10:13

Kae ko leinei le nea leia na ke fufu i lou loto, Ko leinei e kau iloa le nea leia na ke fakapapau i lou loto.

Pesalemo 111:4

E loto a ia ke fakamanatu ana gaoi fakatalatupua. E manava alofa le Eteleno ti e apele a ia i le alofa.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 8:10

Na tanaki loa latou o fakatuuga, ti na sauga veli loa le fenua katoa.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Esaia 41:26

Ko ai na fakasa ia a ia i le kamataaga, o tupu ke motou iloa a ia ? Ti ko ai na fakasa fakatomua ia a ia mei fualoa, o tupu ke motou pati : E maoki ! Na leaise fakasa a ia e se tasi fua, na leaise fakasa fakatomua a ia e se tasi fua, Ti na leaise se logo fua se tasi ki akoutou masau.

Esaia 41:27

Ko au leia na uluaki pati ki Sione : Ko nei latou, ko nei latou ! Ko au leia na uluaki pati ki Selusalemi : E kau kakau se tagata avelogo o ni logo malilie !

Esaia 42:9

Ko leinei, kua soko a uluaki nea, Ti e kau fakasa atu kia koutou ni nea foou ; E kau fakasa fakatomua atu latou kia koutou, kae e leikiaise lotou soko.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 46:5

Ko ai e kotou fakatatau au ki ai, ke kotou fai a ia ko loku tatau ? Ko ai e kotou fia fakatatau au ki ai, ke ma tatau ?

Esaia 48:3

Talu mei fualoa na kau fakasa a nea ala na soko i le kamataaga, Na lotou mavae mei loku gutu, ti na kau fakasa latou : Na fokifa kua kau gaoi, ti na lotou soko.

Esaia 65:17

Talie e kau fakatupu loa se lagi foou Mo se kele foou ; E leaise toe manatu loa ki nea kua sili, E leaise lotou toe au loa ki le loto.

Selemia 49:19

Ko leinei, tatau mo se laione, e pale a ia mei laugutu matasoka o le Solotane Ki le nofoaga makeke ; Fokifa e kau kapu loa Etome mei ai, Kae kau fakanofo loa kiate ia leia na kau filifili. Talie ko ai e tatau mo au ? Ko ai e tuku ia loa ni fakatotonu kiate au ? Ti ko ai le pule e mafai ke tuu loa i oku mua ?

Selemia 50:44

Ko leinei, pe se laione, e pale mai a ia mei laugutu fia nealasi o le Solotane, Ki le nofoaga makeke. Fokifa e kau kapu loa latou, Ti e kau fakanofo loa iate ia leia na kau filifili. Talie ko ai e tatau mo au ? Ko ai e tuku ia kiate au ni fakatotonu ? Ti ko le pule fea leia e tuu mai loa kiate au ?

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Tetelonome 32:7

Toe manatui a aso o le temi mua, Toe liliu ki fetuu mo tautupu kua sili, Vesili ki lou tamana, ti e fakasa atu loa e ia kiate koe, Ti mo ou kau matua, ti e lotou fakamatala atu loa kiate koe :

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.