Esaia 46:7 - Tosi Tapu

⁷ E lotou amo a ia, ti e lotou teki a ia ki olatou tuauma ; E lotou fakatuu a ia ki lona tuuaga, ti e nofo a ia i ai ; E leaise taugaoi a ia i lona tuuaga ; Ti e lotou kalaga ki ai, kae e leaise tali a ia, E leaise fakamauli e ia i le mamae.

Esaia 46:7 ပူးပေါင်းရင်းမြစ်များ

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Esaia 37:38

I se aso leia na lolotoga punou ai a ia i le fale o Niseloke, lona atua, na tamate loa a ia e ona vosa ko Atelameleke mo Saletesele ki le seleta, ti na la sosola loa ki le fenua o Alalate. Ti na pule loa lona vosa, ko Esale-Atone, o fetogi a ia.

Esaia 40:20

Ko leia e fakamaua e lona mativa ke soli ia se nea ikiiki, E filifili ia se potu laakau leia e leaise manua ; E kole e ia se tagata poto Ke fau ia se taulaatua leia e leaise taugaoi.

Esaia 41:28

E kau tio saele, kae e leai fua se tasi, E leaise tasi fua ia latou e faikikite, Ti e mafai ke tali mai, mo ka kau vesili ki ai.

Esaia 41:29

Ko leinei, ko latou fuli ko nea noa, Ko alatou gaoi ko le noa, Ko olatou taulaatua ko se matagi noa.

Esaia 41:7

Ko le tagata togi laakau e fakalotomakeke ia le tagata saka ukamea ; Ko leia e fakamomole ki le amale e fakalotomakeke ia leia e ta ki le lago ukamea ; E pati a ia ki le puluti ukamea : e malie a ia ! Ti e fakamau e ia le taulaatua ki ni fao, ke aua na toe gaga.

Esaia 44:12

E fai e le tagata gaoi ukamea se toki, E gaoi a ia mo ni malala, Ti e ta e ia ki le amale ; E gaoi a ia ki le makeke o lona lima ; Kae ka fia kai a ia, ti ko lena kua oki lona makeke ! Ti ka e leaise inu a ia, ti ko lena kua gaegae a ia !

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 46:1

Kua fakapulou a Pele, ti kua vilo a Nepo. Kua teki ola fakatata ki ni manu, ki ni pipi ; Kua amo laua pe se kavega, ti kua mafaia ai a manu ti kua lotou gaegae foki.

Esaia 47:15

Ko lena loa le anoaga o latou ala na ke pakia i le afa ki ai. Ti ko latou ala na faikoloa mo koe talu mei lou ikiiki E mavetevete loa o tasi ano ki lona fetuu : E leaise au loa se tasi o tokoi kiate koe.

Selemia 10:5

E fai a atua ana pe se pou fualasi, ti e leaise lotou masau fua ; E amo latou, talie e leaise mafai ke lotou saele. Aua na kotou i kia latou, talie e leaise lotou poto fua i le fai o se nea veli e tasi, Ti e leaise lotou mafai ia fua le fai o se nea malie.

Selemia 11:12

E ano loa a kolo o Suta mo le kakai o Selusalemi, O tagi ki atua ala na lotou momoli ki ai le iseso, Kae e leaise lotou fakamauli loa latou i le aso o lolatou malaia.

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Taniela 3:1

Na fai loa e le sau ko Nepukatenesale se fakatata aulo, ko lona taualuga ko meta e kau tolu, ti ko lona lau lasi ko meta e tolu. Na fakatuu loa e ia a ia i le potu laumalie o Tula, i le fenua o Papilone.

Sonasi 1:5

Ti na i lasi ai le kau vaka, ti na lotou tasi tagi loa ki lona atua, ti na lotou laku loa ki le tai a nea ala na tuku i le vaka, o tupu ke fakamaamaa a ia. Na ifo loa Sonasi ki le takele o le vaka, ti na moemate loa a ia.

Uluaki tosi ki le kau Kolinto 12:2

E kotou iloa, i lakotou koi nofo i le pagani, na kotou tuku koutou ke ave ki ni taulaatua gutu mate, ti na taki koutou e latou.

Uluaki tosi a Samuele 5:3

I le apogipogi ake, na alaala mafoata loa le kakai o Asetoti, ti ko leinei, kua vilo Takone o fakapulou ki le kele, i mua o le aleka o le Eteleno, ti na lotou toe fakatuu loa a ia ki lona tuuaga.