Esaia 46:2 - Tosi Tapu

² Kua lotou vivilo, kua lotou mafaafaa i le kele, a taulaatua mo manu, Ti e leaise mafai ke lotou fakamauli le amoga, Ti e lotou ano, latou totonu, ki le popula.

Esaia 46:2 ပူးပေါင်းရင်းမြစ်များ

Lua tosi a Samuele 5:21

Na lotou tuku loa i ai olatou taulaatua, ti na ave loa latou e Tavite mo lana kau tau.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 37:12

Ko atua o puleaga ala na maumaui e oku tamana, pe na lotou saofaki olatou fenua, a Kosani, mo Salani, mo Letesefi, mo vosa o Eteni ala e nonofo i Telasale ?

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Esaia 44:17

Kae e fai e ia ki le toe o le laakau se atua, lona taulaatua. E punou a ia i ona mua, e atolasio a ia ki ai, e faikole a ia ki ai, Ti e kalaga a ia ki ai : Fakamauli au ! Talie ko koe ko loku atua !

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Selemia 48:7

Talie, o tupu na ke fanaki ki au gaoi mo ou koloa, Ko koe foki, e ke too loa, Ti e ano loa Kemosi o popula, Mo ona kau pelepitelo ti mo ona kau pule.

Selemia 51:47

Koia ko leinei, e au a aso Ala e kau tautea ai loa a taulaatua o Papilone, Ti e apele loa lona fenua katoa i le luma ; E vivilo loa ona mate fuli i loto malie o ona.

Taniela 11:8

E too loa e ia o ave ki Esipito a atua, mo olatou fakatata ukamea, mo aulo, mo siliva. Ti e nofo loa a ia i ni fetuu, o mamao mei le sau o le noleto.

Naume 1:14

Ko leinei le nea leia na fakatotonu e le Eteleno kiate koe : E leaise ke toe maua ia loa sou sakoga ke taupau ia lou igoa ; E kau too loa i le fale o lou atua a fakatata laakau mo fakatata ukamea saka ; E kau teuteu loa lou tanuma, talie e ke maamaa ai !

Tuifakamaau 18:24

Na tali loa Mika kia latou : Kua kotou kaia ia a atua ala na kau aga o fai, ti kua kotou ave laku tagata faisakilifisio : E leaise nea fua e tasi e toe mai kiate au, ti e kotou matasoka o vesili mai kiate au pe kolea e kau kalaga ai ?

Uluaki tosi a Samuele 5:3

I le apogipogi ake, na alaala mafoata loa le kakai o Asetoti, ti ko leinei, kua vilo Takone o fakapulou ki le kele, i mua o le aleka o le Eteleno, ti na lotou toe fakatuu loa a ia ki lona tuuaga.