Esaia 45:9 - Tosi Tapu

⁹ Malaia leia e fakatutuu ki leia na fakatupu ia a ia ! A koe ko le ipu kele i loto malie o ni ipu kele ! Pe feala ke pati le kele kula ki le tagata leia e gaoi ia a ia : Kolea e ke fai ? Pe pati le ipu ki le tagata faiipu : E leaise ke poto ?

Esaia 45:9 ပူးပေါင်းရင်းမြစ်များ

Sopo 10:9

Manatui na ke gaoi au ofaipe le kele kula ; Pe ke loto ke ke toe fakaliliu au ko le efu ?

Sopo 33:13

Pe ke fia visi loa mo ia, Talie e leaise fakamatala e ia ana nea ala e fai ?

Sopo 40:2

Toi lou kilii pipi ki ou vakavaka ofaipe se tagata toa ; E kau fakavesili loa a koe, ti e ke tali mai loa kiate au.

Sopo 9:12

Kapau e too e ia, ko ai e fakafesagai loa kiate ia ? Ko ai e pati loa kiate ia : Kolea e ke fai ?

Sopo 9:4

A ana le poto mo le mafimafi : Ko ai leia e fakatutuu kiate ia kae leaise tautea a ia ?

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Ekelesiasi 6:10

Ko nea fuli ala e maua kua iloa latou talu mei fualoa ; ti e tou iloa malie le tagata : e leaise feala ke visi a ia mo se tasi leia e makeke ake iate ia.

Esaia 10:15

Pe fiafia le toki ki leia e fakaaoga ia a ia ? Pe ita le tutuu ki leia e too ia a ia ? O sakinake e fakataugaoi e le kaui toki leia e too ia a ia, O sakinake e siki e le kaui tuutuu leia e siki ia a ia !

Esaia 29:16

E maoki ai lokoutou fakalialia ! Pe tonu ke fakatatau le tagata faiipu mo le kele kula, Ke pati le gaoiaga ki le tagata gaoi : Na leaise fai e ia a au ? Ke pati ai le ipu ki le tagata faiipu : E leai sona atamai ?

Esaia 45:10

Malaia ki leia e pati ki lona tamana : Kolea na ke fakatupu ai au ? Ti e pati ki lona tinana : Kolea na ke fanaui ai au ?

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 18:6

Pe leaise mafai ke kau fai kia koutou, ofaipe le tagata faiipu leinei, fale o Iselaele ? E pati le Eteleno. Ko leinei, ofaipe le kele kula i le lima o le tagata faiipu, E kotou felaaki i loku lima, fale o Iselaele !

Selemia 36:29

Ti e ke fakasa loa le nea leinei o uiga mo Sosakimi, sau o Suta : E folafola le Eteleno, o pati : Na ke tutu le tosi lena, o pati : Kolea na ke tosi ai a folafola anei : E au loa le sau o Papilone, o maumaui le fenua leinei, ti e tamate loa e ia a tagata mo manu ?

Selemia 50:24

Na kau fakatuu kiate koe se masele, ti kua ke piki ia, Papilone, Kae na leaise ke iloa ; Kua maua a koe, kua too a koe, Talie na ke tau ki le Eteleno.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?