Esaia 45:5 - Tosi Tapu

⁵ Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 45:5 ပူးပေါင်းရင်းမြစ်များ

Uluaki tosi o Sau 8:60

o tupu ke iloa e kakai fuli o le kele, ko le Eteleno e Atua, ti e leaise tasi ake Atua !

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Sopo 12:18

E tatala e ia le kilipipi o sau ; E nonoa e ia se maea ki olatou sulugalava.

Sopo 12:21

E liligi e ia le vesiainai ki le kau mauiga ; E fakagaga e ia le kilii pipi o le kau makeke.

Pesalemo 18:31

E malie tukupau a ala o le Atua, Kua asiasii le folafola a le Eteleno. Ko se paletau a ia kia latou fuli e fanaki kiate ia.

Pesalemo 18:32

Talie ko ai e Atua, pe leaise ko le Eteleno ? Ti ko ai ko se utu, pe leaise ko lotatou Atua ?

Pesalemo 18:33

Ko le Atua leia e toi ia kiate au le kilipipi o le makeke, Ti e taki ia au i le ala totonu.

Pesalemo 18:39

E kau fatifatii latou, ti e leaise mafai ke lotou toe tuu ki aluga ; E lotou vivilo ki lalo i oku vae.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Esaia 22:21

E kau fakatui loa kiate ia lou kofu loloa, ti e kau toi loa lou kilipipi kiate ia, Ti e kau tuku loa lau pule ki ona lima : E liliu loa a ia ko se tamana ki le kakai o Selusalemi mo le fale o Suta.

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:1

Ko leinei le folafola a le Eteleno ki lana filifiliia, ko Silusi,

Esaia 45:6

E tupu ke iloa mei le sopoaga o le laa o kaku ki le galoaga o le laa, E leaise tasi ake Atua iate au : Ko au ko le Eteleno, ti e leaise tasi ake.

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Esaia 47:8

Fakalogo mai i le lakaga nei ki le nea leinei, taine fia aliki, A koe leia e ekeeke fia fafine, Ti e pati i lou loto : Ko au fai, ti ko au fai toka tasi ! E leaise kau lokonui loa i se aso, Ti e leaise kau sala fanau loa i se aso !

Esekiele 30:24

E kau fakamakeke loa a lima o le sau o Papilone, Ti e kau tuku loa laku seleta ki lona lima ; E kau fatii loa a lima o Falaone, Ti e tagi laulau loa a ia i mua o le sau o Papilone ofaipe le tagi a latou ala ka mamate.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Soane 1:1

I le kamataaga na agai le folafola, ti na agai le folafola mo le Atua, ti na Atua le folafola.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.