Esaia 45:3 - Tosi Tapu

³ E kau soli loa kiate koe ni koloa fufu, Ni koloa na tanu, O tupu ke ke iloa Ko au ko le Eteleno leia e kalaga kiate koe i lou igoa, Ko au ko le Atua o Iselaele.

Esaia 45:3 ပူးပေါင်းရင်းမြစ်များ

Lua tosi o Koloniko 6:17

Koia, Eteleno, Atua o Iselaele, fakasoko lau fakapapau leia kua ke fai ki lau tagata fakasausau ko Tavite !

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Ekesote 33:12

Na pati loa Moisese ki le Eteleno : Ko leinei, e ke pati mai kiate au : Taki le kakai leinei ! Ti e leaise ke fakasa mai kiate au pe ko ai leia e ke kakau loa mo au. Kae kua ke pati : E kau iloa a koe i lou igoa totonu, ti kua ke alofa kiate au.

Ekesote 33:17

Na pati loa le Eteleno kia Moisese : E kau fai loa le nea leia e ke kole mai ki ai, talie kua kau alofa kiate koe, ti e kau iloa a koe i lou igoa.

Esaia 41:23

Io, kotou fakasa mai le nea leia ka soko loa ki muli, Ke motou iloa pe ko ni atua maoki koutou ! Kotou fai fua se nea e tasi, pe malie pe veli, Ke motou tio ki ai ti ke tou tio fakatasi ki ai.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 48:15

Ko au, ko au, na kau masau ti na kau kalagai a ia ; Na kau aumai a ia, ti e manuia loa lana gaoi.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Selemia 41:8

Kae na i ai ni tagata e tino agafulu ia latou, na pati loa kia Isemaele : Aua na ke tamate matou, talie e i ai ni amatou tokonaki magiti kua fufu i faisaga : ko se fulumeto, mo se olese, mo se lolo, mo se meli. Ti na fakamauli loa latou e Isemaele, o leaise tamate loa e ia latou mo olatou fetaina.

Selemia 50:26

Kotou ulu mei potu fuli ki Papilone, Kotou fakamavaa ona fale magiti, Kotou fetuku a koloa o tanaki fakatuuga, Ti kotou maumaui a ia ! Ke aua na toe toe se nea iate ia !

Selemia 50:37

Ke siki le seleta ki ana osi mo ana saliote tau ! Ke siki le seleta ki kakai kesekese ala e nonofo i loto malie o ona, Ke lotou liliu ofaipe ni fafine ! Ke siki le seleta ki ona fale koloa, ke kaia latou !

Selemia 51:13

Ko koe leia e nofo i tafa o atu vai lalasi, Leia e maua ia ni fale koloa lalasi, Kua soko lou lakaga fakamuli, Kua kaku lou manumanu koloa ki lona gatoaga !

Selemia 51:53

Ka malaga loa Papilone o kaku ki le atu lagi, Ka fakamakeke loa e ia ona kolo tau ke aua na toe too, E kau kakau loa kiate ia ni tagata maumau, e pati le Eteleno…