Esaia 45:24 - Tosi Tapu

²⁴ E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 45:24 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Pesalemo 71:16

E kau fakasa loa au gaoiaga mafimafi, Aliki Eteleno ! E kau fakamanatu loa lou faitotonu, io, a ia toka tasi.

Pesalemo 72:9

I ona mua, e peluki loa e le kakai o le toafa olatou tuli, Ti e epo loa e ona fili le efu.

Pesalemo 89:17

E fiafia tuumau a ia i lou suafa, E nekenekea a ia i lou faitotonu.

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 41:11

Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Apakuki 3:19

Ko le Eteleno, le Aliki, ko loku makekeaga ; E fakaliliu e ia oku vae ofaipe la o tia fafine, ti E fakasaele e ia au i oku potu taualuga. Ki le pule o kau sua. Ki ni nea faimusika va.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Sakalia 12:5

E pati loa a pule o Suta i olatou loto : E maua loa le makeke o le kakai o Selusalemi I le Eteleno o kau tau, lolatou Atua.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Luka 13:17

I lana masau felaaki, na apele ona fili fuli i le luma, kae na fiafia le kakai ki nea fulumalilie fuli ala na fai e ia.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Soane 12:32

Ti ko au, ka siki ake loa au ki aluga mei le kele, e kau fakatatae mai loa kiate au a tagata fuli.

Soane 7:37

I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Filipe 4:13

E kau mafai a nea fuli i leia e fakamakeke ia au.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Apokalipisi 11:18

Na iita a atu puleaga ; kae kua au lou sausau, ti kua soko mai le temi ke fakamaaui ai le kau mate, ti ke fakapale ai au tagata fakasausau ko le kau polofeta, mo le kau sagato, mo latou fuli ala na i ki lou suafa, liliki mo lalasi, ti ke maumaui ai latou ala na maumaui ia le kele.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.