Esaia 45:21 - Tosi Tapu

²¹ Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Esaia 45:21 ပူးပေါင်းရင်းမြစ်များ

Pesalemo 26:7

O fakasa aku fakafetai kiate koe, Ti mo fakamatala au gaoi malilie fuli.

Pesalemo 83:18

Ke lotou luma ti ke lotou i tuumau, Ke lotou laulaunoa ti ke lotou mamate !

Pesalemo 96:10

Kotou fakasa i le lotolotoga o atu puleaga : E sau le Eteleno ; Koia e tuu mau ai le malama nei, e leaise taugaoi a ia. E fakamaau e le Eteleno le kakai i le maoki.

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Esaia 41:26

Ko ai na fakasa ia a ia i le kamataaga, o tupu ke motou iloa a ia ? Ti ko ai na fakasa fakatomua ia a ia mei fualoa, o tupu ke motou pati : E maoki ! Na leaise fakasa a ia e se tasi fua, na leaise fakasa fakatomua a ia e se tasi fua, Ti na leaise se logo fua se tasi ki akoutou masau.

Esaia 43:11

Ko au, ko au leia ko le Eteleno, Ti e sala mo au, e leai se fakamauli.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esaia 43:9

Ke fakatasi a atu puleaga fuli, Ti ke fakatasi a kakai fuli. Ko ai ia latou na fakasa fakatomua ia a nea anei ? Ko ai ma latou ala na fakasa ia mai kia matou a uluaki kikite ? Ke lotou tuku mai ki loto alatou tagata fakamaoki, ti ke lotou fakasa pe lotou maoki ! Ke fakalogo ki ai ti ke pati : e maoki !

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 48:14

Koutou fuli, kotou fakatasi mai, ti kotou fakalogo ! Ko ai ia latou na fakasa fakatomua ia a nea ana ? Ko leia e alofa ki ai le Eteleno e fakasoko ia loa lona finegalo ki Papilone, Ti e mamafa loa lona lima ki le kau Kaletea.

Esaia 48:3

Talu mei fualoa na kau fakasa a nea ala na soko i le kamataaga, Na lotou mavae mei loku gutu, ti na kau fakasa latou : Na fokifa kua kau gaoi, ti na lotou soko.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 63:1

Ko ai leia e au mei Etome, Mei Potesela, i ni kofu kula, I ni kofu gigila, Ti e saele fia tagata i lona makeke katoa ? Ko au leia na fakapapau ia le fakamauli, Leia e nofo mo le makeke ke saofaki.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Sakalia 14:7

E toka tasi loa le aso lena, ti e iloa a ia e le Eteleno toka tasi, E leaise ao loa a ia pe pouli. Kae e sa loa le malama i le afiafi.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Gaoi 15:18

Ti na fakasa ia latou talu mei fualoa.