Esaia 45:2 - Tosi Tapu

² Leia e too e ia i le lima, Ke laku ia ki le kele a atu puleaga i ona mua, Ti ke fakagaga ia le kilipipi o sau, Ti ke fakamavaa ia a matapa, O tupu ke aua na toe tapono latou : E kau saele loa i ou mua, E kau fakatokatoka loa a ala patupatu, E kau fatifatii loa a matapa kapa, Ti e kau fatifatii loa a fakamau ukamea.

Esaia 45:2 ပူးပေါင်းရင်းမြစ်များ

Pesalemo 107:16

Talie na maumaui e ia a matapa sila, Na maumaui e ia a loka ukamea.

Esaia 13:2

Kotou fakatuu se manumanu i se mauga tula, Kotou kalaga kia latou, Kotou taukalo ki le lima, Ti ke lotou ulu i matapa o le kau tukipo !

Esaia 14:31

Matapa, ke ke tagi ! Kolo, ke ke lauga ! Fenua katoa o le kau Filisitini, ke ke lulu ! Talie kua ifo mai se afu mei le potu noleto, Ti kua kopikopi fua a atu tau o le fili.

Esaia 24:12

Kua nofo le maumau i le kolo, Ti kua popo a matapa, ala na maumaui.

Esaia 40:4

Ke tanu a popoko fuli, Ke soloi ki lalo a mauga lalasi mo mauga liliki fuli ! Ke fakaliliu a patu fuli ko ni potu laumalie ! Ti ke fakaliliu a mauga liliki ko ni vaivailiua lalasi !

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 45:13

Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Esaia 48:15

Ko au, ko au, na kau masau ti na kau kalagai a ia ; Na kau aumai a ia, ti e manuia loa lana gaoi.

Selemia 28:13

Ano, o pati kia Anania : E folafola le Eteleno, o pati : Kua ke fatii le amo laakau, kae e ke maua loa se amo ukamea o fetogi ai.

Selemia 51:30

E leaise koi tau a tagata tau o Papilone, E lotou nonofo i kolo tau ; Kua oki lolatou makeke, kua lotou faipe ni fafine. Kua tuku le afi ki nofoaga, Kua fatifatii a fakamaumau o matapa o le kolo.

Selemia 51:58

Koia e folafola ai le Eteleno o kau tau : E sisiga loa ki lalo a paa matotolu o Papilone, E tutu loa e le afi ona matapa taualuga. O tupu ke aua na aoga le gaoi a kakai, Ti ke pakia noa a atu puleaga.

Taniela 5:28

Vae : kua vae lou puleaga, ti kua soli a ia ki le kau Meti mo le kau Pelesi.

Taniela 8:4

Na kau tio loa ki le ovi tagata leia na ta ia ona tala ki le uesite, mo le noleto, ti mo le saute ; na leaise mafai e se manu e tasi ke tuu i ona mua, ti na leaise mafai e se tasi ke saofaki ia mei ona lima ; kae na fai e ia ki lona loto, ti na liliu loa a ia o makeke.

Naume 3:13

Ko leinei, ko lou kakai, ko ni fafine i loto malie o ou ; Kua mavaa a matapa o lou fenua ki ou fili ; Kua tutu e le afi a ukamea fakamau o ou matapa.

Luka 3:5

Ke tanu a vaivailiua fuli, Ke soloi ki lalo a mauga mo patu fuli ; Ke fakasakosako a ala pikopiko, Ti ke fakalautatau a ala patupatu.

Gaoi 1:15

I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :