Esaia 45:17 - Tosi Tapu

¹⁷ Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 45:17 ပူးပေါင်းရင်းမြစ်များ

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 29:22

Koia e folafola ai le Eteleno ki le fale o Sakopo, Leia na totogi ia Apalaamo : I le aso nei, e leaise toe luma loa Sakopo ; I le aso nei, e leaise toe mamae loa ona mata.

Esaia 33:6

E fimalie loa ou aso ; Ko le poto mo le iloa o le Eteleno ko se matapuna o le fakamauli ; Ko le i ki le Eteleno, Ko lena le koloa o Sione.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 50:7

Kae na tokoi kiate au e le Aliki, le Eteleno ; Koia na leaise kau matagafua ai, Koia na kau fakafefeka ai oku mata ofaipe se fa fatu, Talie e kau iloa e leaise kau luma loa.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 51:8

Talie e kai loa latou e ilo ofaipe se kofu, Ti e kai loa latou e ugogo ofaipe le fului ovi. Kae e tuu loa laku faitotonu o lee gato, Ti e mafola loa laku fakamauli i tautupu ki tautupu.

Esaia 54:4

Aua na ke i ki se nea, talie e leaise ke luma loa ; Aua na ke liliko, talie e leaise ke telefua loa ; Kae e ke galoi loa le luma o lou temi tupulaga, Ti e leaise ke toe manatui loa le matagafua o lou temi lokonui.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 60:19

E leaise ko le laa loa leia e fakamalama ia loa a koe i le ao, Ti e leaise ko le masina loa leia e fakamalama ia loa a koe i le pouli ; Talie e liliu loa le Eteleno ko lou malama o lee gato, Ti e liliu loa lou Atua ko lou kololia.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Sonasi 2:9

Ko latou ala e pipiki ki ni taulaatua noa E fakamamao ia le manavaalofa ia latou.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Soane 10:28

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Loma 10:11

E leaise luma loa leia e tui kiate ia.

Loma 11:26

Ti o fakamauli loa a Iselaele katoa, o mulimuli ki le nea e tuu i le Tosi : E au loa le fakamauli mei Sione, Efakamaliu loa e ia meia Sakopo a agasala ;

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Uluaki tosi a Petelo 2:6

Talie e pati i le Tosi : Ko leinei, e kau tuku i Sione se fatu agele, na filifili, mauiga ; Ti ko leia e tui kiate ia e leaise luma loa.

Uluaki tosi a Soane 4:15

Ko leia e fakasa ia loa i le kaugamalie ko Sesu ko le Alo a ia o le Atua, e nofo le Atua iate ia, ti e nofo a ia i le Atua.