Esaia 45:13 - Tosi Tapu

¹³ Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Esaia 45:13 ပူးပေါင်းရင်းမြစ်များ

Esetalasi 1:3

Ko ai ia koutou e kau ki lona kakai ? Ke nofo lona Atua mo ia, ti ke pale a ia ki Selusalemi i le fenua o Suta, o fakatuu le fale o le Eteleno, le Atua o Iselaele ! Ko le Atua leia e agai i Selusalemi.

Pesalemo 65:5

Manuia leia e ke filifili ti e ke fakaulu ki lou agaiaga, O tupu ke nofo a ia i ou malae ! E motou makokona loa i le fiafia o lou fale, I le maokioki o lou fale tapu.

Taagapati 3:6

Ke ke fanaki kiate ia i ou ala fuli, Ti e fakatokatoka loa e ia ou ala.

Esaia 13:17

Ko leinei, e kau lagai loa kia latou le kau Meti, Ala e leaise tokaga fua ki le paaga, Ti e leaise manumanu fua ki le aulo.

Esaia 14:17

Leia na fakaliliu ia le malama nei o toafa, Leia na maumaui ia mo kaia ia a kolo, Leia na leaise toe fakamavaa ia a fale o lana kau pilisoni ?

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Esaia 41:25

Na kau lagai se tagata mei le potu noleto, ti na au a ia ; I le potu esite, e too e ia loku igoa ; E takatakafi e ia le kau lalasi ofaipe le pela, Ofaipe le kele kula leia e takatakafi e le tagata faiipu.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Esaia 45:2

Leia e too e ia i le lima, Ke laku ia ki le kele a atu puleaga i ona mua, Ti ke fakagaga ia le kilipipi o sau, Ti ke fakamavaa ia a matapa, O tupu ke aua na toe tapono latou : E kau saele loa i ou mua, E kau fakatokatoka loa a ala patupatu, E kau fatifatii loa a matapa kapa, Ti e kau fatifatii loa a fakamau ukamea.

Esaia 46:11

Ko au leia e kalagai ia mei le potu esite se manu lele fekai, Mei se kele mamao se tagata ke fakasoko ia aku fakatuutuu, Na kau fakasa a ia, ti e kau fai loa a ia ; Na kau fakakaukaui a ia, ti e kau fakasoko loa a ia.

Esaia 49:25

Io, e pati le Eteleno, e too loa leia e popula ki le tagata makeke mei ona lima, Ti e too loa le koloa o le tagata agaveli mei ona lima. E kau taui loa ou fili, Ti e kau fakamauli loa ou vosa.

Esaia 52:5

I le aso nei, e pati le Eteleno : Kolea e kau fai loa Talie na too noa loku kakai ? Ko latou ala e pule fakamakeke kiate ia e kalaga fia tagata, Ti e lotou lauveli ki loku suafa i le aso katoa.

Mikea 4:10

Taine o Sione, mamae mo tagi ofaipe se fafine leia e fanau ! Talie i le aso nei e ke mavae loa i le kolo, ti e ke nofo loa i faisaga, Ti e ke ano loa o kaku ki Papilone ; I lena e saofaki loa a koe, Ko lena e totogi ai loa a koe e le Eteleno i le lima o ou fili.