Esaia 45:1 - Tosi Tapu

¹ Ko leinei le folafola a le Eteleno ki lana filifiliia, ko Silusi,

Esaia 45:1 ပူးပေါင်းရင်းမြစ်များ

Uluaki tosi o Sau 19:15

Na pati loa le Eteleno kiate ia : Ano, ti ke toe too lou ala i le toafa o kaku ki Tamaso ; ti ka ke kaku loa ki ai, ti ke pani lolo loa Asaele ko le sau o Silia.

Esetalasi 1:1

I le uluaki fetuu o Silusi, sau o Pelesi, na fakasoko loa e le Eteleno le folafola leia na fakasa e le polofeta ko Selemia. Na fafagu loa e le Eteleno le laumalie o Silusi, sau o Pelesi, leia na fakasa ia loa mo fai ia loa le tosi leinei i lona puleaga katoa :

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Sopo 12:21

E liligi e ia le vesiainai ki le kau mauiga ; E fakagaga e ia le kilii pipi o le kau makeke.

Pesalemo 73:23

Kae ko le maoki e kau nofo tuumau mo koe : Na ke too loku lima atamai ;

Esaia 13:2

Kotou fakatuu se manumanu i se mauga tula, Kotou kalaga kia latou, Kotou taukalo ki le lima, Ti ke lotou ulu i matapa o le kau tukipo !

Esaia 13:3

Kua kau tuku ni fakatotonu ki laku solia maokioki, Ti kua kau kalagai a kau toa o loku sausau, latou ala e fiafia i loku mafimafi.

Esaia 41:13

Talie ko au ko le Eteleno, lou Atua, Leia e fakamakeke ia lou lima atamai, Leia e pati atu kiate koe : Aua na ke i ki se nea, E kau au o tokoi kiate koe.

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Esaia 41:25

Na kau lagai se tagata mei le potu noleto, ti na au a ia ; I le potu esite, e too e ia loku igoa ; E takatakafi e ia le kau lalasi ofaipe le pela, Ofaipe le kele kula leia e takatakafi e le tagata faiipu.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 48:15

Ko au, ko au, na kau masau ti na kau kalagai a ia ; Na kau aumai a ia, ti e manuia loa lana gaoi.

Selemia 27:6

Ti ko leinei, kua kau tuku a fenua fuli anei ki lima o Nepukatenesale, sau o Papilone, ko laku tagata fakasausau ; ti kua kau soli foki kiate ia a manu o faisaga ke fakalogo kiate ia.

Selemia 43:10

Ti e ke pati loa ki le kau Sutea : E folafola le Eteleno o kau tau, le Atua o Iselaele, o pati : E kau fakatotonu loa ke au Nepukatenesale, sau o Papilone, laku tagata fakasausau, ti e kau fakatuu loa lona ekeekeaga fakasau i aluga o fatu anei kua kau aga o fufu, ti e folasi loa e ia lona la i aluga.

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Selemia 50:35

E pati le Eteleno : Ke siki le seleta ki le kau Kaletea, Ki le kakai o Papilone, mo ona pule, mo ona poto !

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 51:30

E leaise koi tau a tagata tau o Papilone, E lotou nonofo i kolo tau ; Kua oki lolatou makeke, kua lotou faipe ni fafine. Kua tuku le afi ki nofoaga, Kua fatifatii a fakamaumau o matapa o le kolo.

Selemia 51:58

Koia e folafola ai le Eteleno o kau tau : E sisiga loa ki lalo a paa matotolu o Papilone, E tutu loa e le afi ona matapa taualuga. O tupu ke aua na aoga le gaoi a kakai, Ti ke pakia noa a atu puleaga.

Esekiele 29:20

E kau soli kiate ia le fenua ko Esipito, Ke totogi ai le gaoi na fai e ia ki Tile, Talie na lotou gaoi kiate au, E pati le Aliki, le Eteleno.

Taniela 5:6

Ti na tea katoa loa le sau i lona i, ti na sevaia loa lona loto i ana fakakaukau, ti na leaise koi maua loa sona makeke ti na fetati loa ona tuli.

Taniela 7:5

Ti ko leinei, na fai le lua manu pe se uluso, ti na nofo fakafetuu a ia ; na uuti e ia i lona gutu, ki ona nifo ni ivi vakavaka e tolu ; ti na pati kiate ia : Tuu ki aluga, kai fakalasi ni inati.

Taniela 8:3

Na kau tagaki loa ti na kau tio, ti ko leinei na tuu se ovi tagata i mua o le vaitafe. Na maua e ia ni ona tala loloa, ti ko le tala leia na somo fakamuli ake na taualuga ake i la ake a tala.

Taniela 8:4

Na kau tio loa ki le ovi tagata leia na ta ia ona tala ki le uesite, mo le noleto, ti mo le saute ; na leaise mafai e se manu e tasi ke tuu i ona mua, ti na leaise mafai e se tasi ke saofaki ia mei ona lima ; kae na fai e ia ki lona loto, ti na liliu loa a ia o makeke.

Naume 2:6

E manatu le sau o Ninive ki ana kau tagata toa, Kae e lotou sisiga i lalatou saele. Kua fakatavili ki kaua, Ti kua teuteu ki le tau.

Naume 3:13

Ko leinei, ko lou kakai, ko ni fafine i loto malie o ou ; Kua mavaa a matapa o lou fenua ki ou fili ; Kua tutu e le afi a ukamea fakamau o ou matapa.