Esaia 44:9 - Tosi Tapu

⁹ Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Esaia 44:9 ပူးပေါင်းရင်းမြစ်များ

Lua tosi o Sau 19:18

ti na lotou laku olatou atua ki le afi ; kae e leaise ko ni atua maoki latou, ko ni gaoiaga a lima o tagata, ko ni laakau mo ni fatu ; koia leia na lotou maumaui ai latou o puli noa.

Pesalemo 115:4

Ko taulaatua o atu puleaga ko le aulo mo le paaga, Ko gaoiaga latou o le lima o le tagata.

Pesalemo 115:8

E lotou tatau mo taulaatua, latou ala e fau ia latou Latou fuli ala e fanaki ki taulaatua.

Pesalemo 135:18

E lotou tatau mo fakatata, latou ala e fau ia a fakatata, Latou fuli ala e fanaki ki fakatata.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 41:24

Ko leinei, ko koutou ko nea noa, Ti ko lakoutou gaoiaga ko le noa ; Ko se nea fakalialia le fanaki kia koutou.

Esaia 41:29

Ko leinei, ko latou fuli ko nea noa, Ko alatou gaoi ko le noa, Ko olatou taulaatua ko se matagi noa.

Esaia 42:17

E lotou solomuli loa, e lotou luma loa, Latou ala e fanaki ki taulaatua ta, Latou ala e pati ki taulaatua ukamea saka : Ko koutou ko omatou atua !

Esaia 42:18

Kau tulituli, kotou fakalogo mai ! Kau kivi, kotou tagaki mai, o tio !

Esaia 43:8

Ke fakaulu ki fafo le kakai kivi, leia e maua ia ni mata, Ti mo le kau tulituli, ala e maua ia ni taliga.

Esaia 43:9

Ke fakatasi a atu puleaga fuli, Ti ke fakatasi a kakai fuli. Ko ai ia latou na fakasa fakatomua ia a nea anei ? Ko ai ma latou ala na fakasa ia mai kia matou a uluaki kikite ? Ke lotou tuku mai ki loto alatou tagata fakamaoki, ti ke lotou fakasa pe lotou maoki ! Ke fakalogo ki ai ti ke pati : e maoki !

Esaia 44:11

Ko leinei, ko latou fuli ala e fau fakatata e luma loa ; Ti ko kau tufuga ko ni tagata ; Ke lotou fakatasi fuli, ke lotou au ki oku mua, Ti e lotou lulu fuli loa i le i, ti e lotou apele loa i le luma !

Esaia 44:18

E leaise lotou maua se atamai, e leaise lotou matala fua ki se nea, Talie na tapono olatou mata ke aua na lotou tio, Ti mo olatou loto ke aua na lotou matala.

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 45:16

Kua lotou luma fuli ti kua lotou fakasemala fuli i le fau o taulaatua. Kua lotou saele tulolo fuli i le luma, Latou fuli ala na fau ia ni taulaatua.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 2:26

Ofaipe se tagata kaia leia e luma moka mauatoka, E lotou luma loa, latou o le fale o Iselaele, Latou, mo olatou sau, mo olatou pule, Mo olatou kau faisakilifisio ti mo olatou kau polofeta.

Taniela 11:38

Kae e fakaapaapa loa a ia ki le atua o kolo tau, leia na leaise iloa e ona tamana ; e momoli loa e ia kiate ia se aulo mo se siliva, mo ni fatu mauiga ti mo ni iki ake a nea mauiga.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Loma 1:22

I lalatou pati e lotou poto, kua lotou liliu o valea ;

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 4:18

E lotou maua se atamai fakapouli, e lotou matapule ki le mauli o le Atua, o tupu ko le fakapouli leia e maua ia latou, o tupu ko le fakafefeka o olatou loto.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 4:28

I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.

Tuifakamaau 10:14

Kotou ano, kotou tagi ki atua ala na kotou aga o filifili ; ke lotou saofaki koutou i le temi o lokoutou mamae !