Esaia 44:3 - Tosi Tapu

³ Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 44:3 ပူးပေါင်းရင်းမြစ်များ

Sopo 5:25

E ke tio loa ki le api o lou sakoga, Ti e fai loa a uli o lou sakoga pe le mutie i faisaga.

Pesalemo 107:35

E fakaliliu e ia le toafa ko se tanakiaga vai, Ti mo le kele malo ko ni matapuna vai,

Pesalemo 63:1

Pesalemo a Tavite. I lana nofo i le toafa o Suta.

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Esaia 27:3

Ko au le Eteleno, ko lona tagata taupau : E kau fakavai a ia i temi fuli ; Ti e kau leoleo a ia i le ao mo le pouli, Ke aua na maumaui a ia e se tasi.

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 41:17

E afa e le kau fakaaloalofa mo le kau mativa se vai, kae e leaise maua a ia ; Kua malo olatou alelo i le fia inu. Ko au, le Eteleno, e kau tali loa latou ; Ko au, le Atua o Iselaele, e leaise kau tiaki loa latou.

Esaia 48:19

E fai loa lou sakoga pe le one o le mata tai, Ti ko fua o lou manava pe fiti o le one ; E leaise toe soloi loa lou igoa, pe puli loa i oku mua !

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Esaia 61:9

E iloa loa lolatou lanu i atu puleaga, Ti e logo loa lolatou sakoga i lotolotoga o kakai ; Ti ko latou fuli ala e tio loa kia latou e fakamaoki loa Ko latou ko se lanu tapuakina e le Eteleno.

Esaia 65:23

E leaise lotou gaoi loa ki le noa, Ti e leaise lotou maua loa ni fanau ke tio ki lolatou mamate ; Talie e lotou liliu loa ko se lanu tapuakina e le Eteleno, Ti e nonofo loa alatou fanau mo latou.

Esekiele 34:26

E kau fakaliliu loa latou mo potu ala e takatakai ia loku mauga taputapu ko se tapuakina ; ti e kau fakato loa le ua i lona temi totonu, ti ko se ua loa a ia o le tapuakina.

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Esekiele 47:8

Na pati mai loa a ia kiate au : E tafe loa le vai leinei ki le fenua o le potu esite, o ifo ki le toafa, o tau ki le tai ; ti ka kaku loa le vaitafe ki le tai, e fakamauli loa e ia a vai o le tai.

Oseo 10:12

Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Soele 3:1

Talie ko leinei, i aso ana, i le temi lena, Mo ka kau toe aumai loa le kau popula o Suta mo Selusalemi,

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Mateo 12:43

Ka mavae le laumalie veli mei se tagata, e ano a ia i ni ganea malo, o afa se maloloaga, kae e leaise maua e ia se maloloaga.

Gaoi 10:45

Ti na punamauli loa le kau agatonu silikosisio leia na au mo Petelo, o tupu kua toe tufaki foki le nea alofa o le Laumalie Maokioki ki le kau pagani.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.