Esaia 44:2 - Tosi Tapu

² Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 44:2 ပူးပေါင်းရင်းမြစ်များ

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 71:6

E kau fanaki kiate koe talu mei le manava o loku tinana. Ko koe leia na fakamavae ia au i le manava o loku tinana. Ko le tupuaga tuumau a koe o aku fakafetai.

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 43:5

Aua na ke i ki se nea, talie e kau nofo mo koe ; E kau toe aumai loa mei le potu esite lou lanu, Ti e kau fakatasi mai loa a koe mei le potu uesite.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 44:21

Manatui a nea ana, ei Sakopo ! Ei Iselaele ! talie ko laku tagata fakasausau a koe ; Na kau gaoi a koe, ko laku tagata fakasausau a koe ; Iselaele, e leaise kau toe galoi loa a koe.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:5

I le aso nei, e folafola le Eteleno, Leia na fau ia au talu mei loku tupu ke liliu ko lana tagata fakasausau, Ke toe aumai kiate ia Sakopo, Ti mo Iselaele leia koi mavetevete ; Talie e kau mauiga ki mata o le Eteleno, Ti ko loku Atua ko loku makeke.

Selemia 1:5

Na kau iloa a koe i mua o laku fakatupu a koe i le manava o lou tinana, ti na kau fakatapui a koe, ti na kau fakanofo a koe ko le polofeta o atu puleaga i mua o lau mavae i lona manava.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Loma 8:30

Ti ko latou ala na fakatuutuu fakatomua e ia, na kalagai foki e ia latou ; ti ko latou ala na kalagai e ia, na fakamatatonu foki e ia latou ; ti ko latou ala na fakamatatonu e ia, na fakakololia foki e ia latou.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Tetelonome 33:5

Na sau a ia i Iselaele, I le aso leia na fakatasi ai a pule o le kakai Ti mo faasiga fuli o Iselaele.

Uluaki tosi ki le kau Tesalonika 1:4

E motou iloa, fetaina alofaina, kua filifili koutou e le Atua ;

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.