Esaia 43:7 - Tosi Tapu

⁷ Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 43:7 ပူးပေါင်းရင်းမြစ်များ

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 50:23

Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 29:23

Talie, ka tio loa ana fanau ki le gaoiaga o oku lima i loto malie o latou, E lotou tapuaki loa ki loku suafa, E lotou tapuaki loa ki le Sagato o Sakopo, Ti e lotou i loa ki le Atua o Iselaele ;

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 48:11

O tupu ko le alofa kiate au, o tupu ko le alofa kiate au, leia na kau fai ai le nea lena ; Talie kolea e fakakelekele ai loa loku suafa ? E leaise kau soli loa loku kololia ki se tasi kese.

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Taniela 9:18

Ei loku Atua, tokaga mai lou taliga, ti ke fakalogo mai ! fakamavaa ou mata ti ke tio ki maumau, ke ke tio ki le kolo leia e kalagai ai lou suafa ! E leaise motou fai atu amatou tagi o tupu ko lamatou faitotonu, kae o tupu ko lou manava alofa lasi.

Taniela 9:19

Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Amosi 9:12

O tupu ke lotou maua le toega o Etome ti mo atu puleaga fuli Ala kua kalagai ai loku suafa, E pati le Eteleno, leia e fakasoko ia loa a nea ana.

Soane 15:8

Kapau e kotou fua o lasi ai, e fakakololia loa i ai loku Tamana, ti e kotou liliu loa i ai ko aku tisipulo.

Gaoi 11:26

ti i lana maua a ia, na taki mai loa e ia a ia ki Atiokia. I le lolotoga o se fetuu katoa e tasi, na la kau loa ki fakatasi a le Ekelesia ti na la ako loa se kakai toka api ai. I Atiokia, na uluaki fakaigoa ai le kau tisipulo ko le kau kilisiteano.

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Sakopo 2:7

Pe leaise ko latou ala e lauvelii ia le igoa fulumalie leia kua kotou maua ?

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.