Esaia 43:3 - Tosi Tapu

³ Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esaia 43:3 ပူးပေါင်းရင်းမြစ်များ

Senesi 10:7

Ko vosa o Kusi : Ko Sapa, mo Avila, mo Sapita, mo Laema, mo Sapeteka. Ko vosa o Laema : ko Sepa mo Tetane.

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Ekesote 10:7

Na pati loa tagata fakasausau a Falaone kiate ia : E kaku loa kiafea le nofo o le tagata leinei ko se malaia kia tatou ? Tuku le kakai lena ke ano, ti ke lotou tausi le Eteleno, lolatou Atua. Pe leikiaise ke tio ki le mate o Esipito ?

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Taagapati 11:8

E saofaki le tagata agatonu i le mamae ; Kae too e le tagata agaveli lona nofoaga.

Taagapati 21:18

E fetogi e le tagata agaveli le tagata agatonu, Ti mo le tagata kaka le tagata maokioki.

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Esaia 20:3

Ti na pati loa le Eteleno : ofaipe le saele telefua mo kilii vae a laku tagata fakasausau ko Esaia, e liliu loa le nea lena, mo ka sili ni fetuu e tolu, ko se fakamailoga o le nea leia ka soko loa ki Esipito mo Etiopia.

Esaia 30:11

Kotou maliu kese i le ala, Kotou tiaki le ala totonu, Kotou fakamamao i omatou mua le Sagato o Iselaele !

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 43:11

Ko au, ko au leia ko le Eteleno, Ti e sala mo au, e leai se fakamauli.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 45:15

Kae ko se Atua a koe leia e mumuni, Atua o Iselaele, le fakamauli !

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Selemia 16:21

Koia ko leinei, e kau fakasa kia latou i le faiaga leinei, E kau fakasa kia latou loku mafimafi mo loku makeke ; Ti e lotou iloa loa ko loku suafa ko le Eteleno.

Esekiele 39:7

E kau fakasa loa loku suafa maokioki i loto malie o loku kakai ko Iselaele, Ti e leaise kau toe tuku loa ke fakakelekele loku suafa maokioki ; Ti e iloa loa e atu puleaga ko au ko le Eteleno, Ko le Maokioki o Iselaele.

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Levitiko 11:44

Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.

Amosi 9:7

Fanau a Iselaele, pe leaise kotou fai kiate au Pe fanau a le kau Etiopia ? e pati le Eteleno. Pe na leaise kau fakamavae Iselaele mei le fenua o Esipito, Ofaipe le kau Filisitini mei Kafetoli ti mo le kau Silia mei Kile !

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Suta 1:25

ki le Atua e tasi, ko lotatou Fakamauli, ia Sesu-Kilisito ko lotatou Aliki, ke tuku kiate ia le kololia, mo le pule, mo le makeke, ti mo le mafimafi, mei mua o temi fuli, mo le temi nei, ti mo sekulo fuli ! Amene !