Esaia 43:23 - Tosi Tapu

²³ Na leaise ke momoli mai kiate au ni akeno i ni failaulau, Ti na leaise ke fakamauiga au ki au sakilifisio ; Na leaise kau fakamakeke kiate koe ni moliga, Ti na leaise kau fakakaekae a koe ki se iseso.

Esaia 43:23 ပူးပေါင်းရင်းမြစ်များ

Neemia 13:10

Na kau logo foki na leaise soli a vaega o le kau Levi, ti kua sosola le kau Levi mo le kau sua, ala na tokaga ki le tausi, ki lona fenua.

Ekesote 30:34

Na pati loa le Eteleno kia Moisese : Too ni nea fakamanogi : se setakite, mo se onika, mo se kalipanume, ti mo se iseso mea, o fua fakatatau fuli latou.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 21:27

Ko le sakilifisio a le kau agaveli ko se nea fakalialia ; Tafito mo ka fai a ia mo ni manatu veveli.

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 7:21

E folafola le Eteleno o kau tau, le Atua o Iselaele, o pati : Kotou fakalasi akoutou failaulau ki akoutou sakilifisio, Ti kotou kai le kanofi !

Selemia 7:22

Talie na leaise kau masau fua mo okoutou tamana ti na leaise kau tuku fua kia latou se fakatotonu e tasi, I le aso leia na kau fakamavae ai latou i le fenua o Esipito, O uiga mo ni failaulau ti mo ni sakilifisio.

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 24:7

I aluga o le tuuga pane e ke teki loa se iseso mea, leia e tutu loa e le afi i mua o le Eteleno, o fetogi ia a pane, ofaipe se nea fakamanatu.

Amosi 5:25

Pe na kotou fai mai kiate au ni failaulau mo ni moliga I fetuu e kau fa i le toafa, fale o Iselaele ?…

Mikea 6:3

Ei loku kakai, kolea le nea leia kua kau fai kiate koe ? Kolea le nea leia kua kau fakakaekae ai a koe ? Tali mai kiate au !

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Mateo 11:30

Talie e malulu laku laakau taki, ti e maamaa laku kavega.