Esaia 43:22 - Tosi Tapu

²² Kae na leaise ke fetapa mai kiate au, ei Sakopo ! Talie na ke kaekae iate au, ei Iselaele !

Esaia 43:22 ပူးပေါင်းရင်းမြစ်များ

Pesalemo 14:4

Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.

Pesalemo 79:6

Liligi lou sausau ki atu puleaga ala e leaise iloa ia a koe, Ti mo puleaga sau ala e leaise fetapa ki lou suafa !

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Selemia 10:25

Liligi lou sausau ki atu puleaga ala e leaise iloa ia a koe, Ti mo kakai ala e leaise fetapa ki lou suafa ! Talie e lotou kai Sakopo, e lotou kai a ia, e lotou tutu a ia ke okioki, E lotou maumaui lona nofoaga.

Selemia 2:5

E masau le Eteleno, o pati : Kolea le veli leia na maua e okoutou tamana iate au, Ke lotou fakamamao ai iate au, Ti ke lotou mulimuli ai i ni nea noa, Ke lotou liliu ai ko ni nea noa ?

Taniela 9:13

Ofaipe lona tosi i le lao a Moisese, kua au a malaia fuli kia matou ; ti na leaise motou kalaga ki le Eteleno, lomatou Atua, ti na leaise motou tafoki mei amatou agatuu, ti na leaise motou tokaga ki le maoki.

Mikea 6:3

Ei loku kakai, kolea le nea leia kua kau fai kiate koe ? Kolea le nea leia kua kau fakakaekae ai a koe ? Tali mai kiate au !

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 3:14

Na kotou pati : E leaise aoga o le tausi ki le Atua ; Kolea na tou maua i le tausi o ana pelesepeto, Ti mo le saele i le mamae, O tupu ko le Eteleno o kau tau ?