Esaia 43:20 - Tosi Tapu

²⁰ E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Esaia 43:20 ပူးပေါင်းရင်းမြစ်များ

Uluaki tosi o Koloniko 16:13

Sakoga o Iselaele, ko lana tagata fakasausau, Fanau a Sakopo, ko ana filifiliia !

Pesalemo 104:21

E tagi a uviki laione ki se kanoi manu, Ti e lotou kole ki le Atua lalatou nea kai.

Pesalemo 148:10

Manu sesegi mo manu lalata fuli, Manu totolo mo manu lele,

Pesalemo 33:12

Manuia le puleaga leia e Atua ki le Eteleno ! Manuia le kakai leia na filifili e ia ko lona tofiga !

Esaia 13:22

E tagi loa a lenato i ona fale sau, Ti e ko loa a kuli vao i ona fale fakaalialiki. Kua ofi le temi o Papilone, ti E leaise toe fakaloaloa loa ona aso.

Esaia 30:25

I mauga taualuga fuli mo mauga liliki fuli, E i ai loa ni liua, mo ni vaitafe, I le aso o le tamatea lasi, I le sisiga o tule fuli.

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 33:21

Ko lena le ganea leia e sa ai loa le fulumalie o le Eteleno kia tatou. E maua loa i ai ni liua kia tatou, ni vaitafe lalasi Ala e leaise ulu loa ki ai ni vaka foe, Ti e leaise ano ai loa se vaka tau.

Esaia 35:7

E liliu loa le one kaka ko ni vai, Ti mo le kele malo ko ni matapuna vai ; I le ganea leia na nofo ai a pili e tupu ai loa ni u mo ni kofe.

Esaia 41:17

E afa e le kau fakaaloalofa mo le kau mativa se vai, kae e leaise maua a ia ; Kua malo olatou alelo i le fia inu. Ko au, le Eteleno, e kau tali loa latou ; Ko au, le Atua o Iselaele, e leaise kau tiaki loa latou.

Esaia 41:18

E kau fakamavaa loa ni vaitafe i mauga liliki, Ti mo ni matamata i loto malie o vaivailiua ; E kau fakaliliu loa le toafa ko se vai tanaki, Ti mo le kele kaka ko ni tafe ;

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Maleko 13:20

Ti kanapau na leaise fakatoetoe e le Aliki a aso ana, e leaise saofaki loa se tasi ; kae na fakatotoe e ia a aso ana o tupu ko lana kau filifiliia.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.