Esaia 43:11 - Tosi Tapu

¹¹ Ko au, ko au leia ko le Eteleno, Ti e sala mo au, e leai se fakamauli.

Esaia 43:11 ပူးပေါင်းရင်းမြစ်များ

Pesalemo 3:8

Ke ke tuu ki aluga, Eteleno ! Ke ke saofaki au, ei loku Atua ! Talie e ke taai a kalaafau o oku fili fuli, E ke fatifatii a nifo o le kau agaveli.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Sonasi 2:10

Kiate au, e kau momoli loa kiate koe ni failaulau mo ni kalaga fakafetai, E kau fai loa a fakapapau ala na kau fai : E au le fakamauli mei le Eteleno.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Luka 1:47

Ti e fiafia loku loto i le Atua, loku Fakamauli.

Luka 2:11

I le aso nei, i le kolo o Tavite, kua tupu kia koutou se Fakamauli, leia ko Kilisito, ko le Aliki.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Tetelonome 6:4

Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Tito 2:10

ke aua na lotou kaia, kae ke lotou fakasa tuumau se agatonu mo agamalie tuumau kia latou i nea fuli, o tupu ke lotou fakasa i nea fuli le kololia o le akonaki a le Atua ko lotatou Fakamauli.

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Uluaki tosi a Soane 4:14

Ti ko matou, na motou tio, ti e motou fakamaoki na kakau e le Tamana lona Alo ko le Fakamauli ki le malama nei.

Suta 1:25

ki le Atua e tasi, ko lotatou Fakamauli, ia Sesu-Kilisito ko lotatou Aliki, ke tuku kiate ia le kololia, mo le pule, mo le makeke, ti mo le mafimafi, mei mua o temi fuli, mo le temi nei, ti mo sekulo fuli ! Amene !

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.