Esaia 43:1 - Tosi Tapu

¹ I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:1 ပူးပေါင်းရင်းမြစ်များ

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 102:18

E tokaga a ia ki le kole a le tagata e mamae, E leaise tiaki e ia lana kole.

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Ekesote 33:17

Na pati loa le Eteleno kia Moisese : E kau fai loa le nea leia e ke kole mai ki ai, talie kua kau alofa kiate koe, ti e kau iloa a koe i lou igoa.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 43:5

Aua na ke i ki se nea, talie e kau nofo mo koe ; E kau toe aumai loa mei le potu esite lou lanu, Ti e kau fakatasi mai loa a koe mei le potu uesite.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Selemia 50:34

Kae e makeke leia e totogi ia latou, Leia e igoa ko le Eteleno o kau tau. E puipui loa e ia lolatou mauli, O tupu ke tuku le malolo ki le fenua Ti ke lulu le kakai o Papilone.

Tagi laulau a Selemia 3:57

I le aso leia na kau fetapa ai kiate koe, na ke fakafeofi mai kiate au, Na ke pati : Aua na ke i !

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Malakia 3:17

E lotou liliu loa ko loku kakai, e pati le Eteleno o kau tau, E lotou liliu loa ko loku koloa mauiga, i le aso leia e kau teuteui. E kau alofa loa kia latou, Ofaipe se tagata e alofa ki lona vosa leia e tausi kiate ia.

Gaoi 27:20

Na leaise toe sa loa le laa mo fetuu i ni aso mauke ai, ti na makeke tuumau aifai le afa, o puli ai loa ia matou le amanaki malie ki le mauli.

Gaoi 27:25

Koia ei kau tagata, ke kotou loto makeke talie e kau tui ki le Atua, e soko loa ofaipe lona fakasa mai kiate au.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;