Esaia 42:7 - Tosi Tapu

⁷ Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 42:7 ပူးပေါင်းရင်းမြစ်များ

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Esaia 29:18

I le aso lena, e logo loa le kau tulituli ki folafola o le tosi ; Ti e tio loa a mata o le kau kivi, Talie kua fakamauli latou i le fakapouli mo le pouli.

Esaia 35:5

I le aso lena e mavaa loa a mata o kivi, E mavaa loa a taliga o kau tulituli.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 42:22

Kae ko se kakai kua kaia ona koloa, ti kua nofo telefua ! Kua saisai latou fuli ki ni tini i ni ana, Ti kua fufu latou i ni fale pilisoni ; Kua tuku latou ki le kaia, ti e leaise tasi fua ke saofaki ia latou ! Kua kaia olatou koloa fuli, ti e leaise pati se tasi : Ke toe fakaliliu !

Esaia 49:9

Ke fakasa ia ki le kau popula : Kotou mavae ! Ti mo latou ala e nonofo i le fakapouli : Kotou au ki le malama ! E lotou fai loa pe se kau manu leia e kai i ala, Ti e lotou maua loa ni faisaga mutie sesega i mauga fuli.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Mikea 7:9

E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Luka 24:45

Ti na fakamavaa loa e ia olatou atamai, ke lotou matala ki le Tositapu.

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Soane 9:7

o pati kiate ia : Ano, o maanu i le maanuaga o Siloe (ko lona uiga : ko le fakasausau). Na ano loa a ia ki ai o maanu, ti na liliu mai loa a ia kua tio malie.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi kia Timoteo 2:26

ti ke lotou toe liliu loa ki lalatou fakakaukau malie, o lotou mavae loa mei masele a le Tiapolo, leia kua tapo ia latou o fakapopula ki lona finegalo.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.