Esaia 42:5 - Tosi Tapu

⁵ Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 42:5 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Sopo 12:10

E too e ia i lona lima le laumalie o nea fuli e mauli, Mo le tukumanava o tagata fuli.

Sopo 27:3

I le temi katoa koi kau tukumanava ai, Ti koi maua ai le matagi a le Atua i loku isu,

Sopo 33:4

Na fakatupu au e le Laumalie o le Atua, Ti na soli e le tukumanava o le gutu o le Eteleno le mauli kiate au.

Sopo 34:14

Kapau na tokaga fai le Atua kiate ia totonu, Kapau na taupau e ia lona laumalie mo lona mauli kiate ia toka tasi,

Pesalemo 136:6

Ko ia leia na folasi ia le kele i aluga o atu vai, Talie e lee gato lona manava alofa !

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Pesalemo 96:5

Talie ko atua fuli o atu puleaga ko ni taulaatua, Kae na fai e le Eteleno le lagi.

Esaia 37:16

Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 40:12

Ko ai na fua ia le lasi o atu vai i lona alofilima ? Ko ai na fuafua ia le lau lasi o le lagi ki lona alofilima ? Ko ai na tanaki ia le kele katoa o le malama nei ke o i se pakete ? Ko ai na fua ia le mamafa o mauga lalasi mo mauga liliki ki se fua ?

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 40:26

Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 27:5

Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 38:16

Ti na fakapapau fakafufu loa le sau ko Setesiasi kia Selemia, o pati : E mauli le Eteleno, leia kua soli ia kia tatou le mauli ! E leaise kau tamate loa a koe, ti e leaise kau tuku loa a koe ki lima o kau tagata anei ala e loto ki lou mauli.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Amosi 9:6

Na fakatuu e ia lona fale i le atu lagi, Kae tuu lona fakatafito i le kele. E kalagai e ia a vai o le tai, Ti e fakamafola e ia latou i aluga o le kele : Ko le Eteleno ko lona igoa.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Gaoi 17:24

Ko le Atua leia na fakatupu ia le malama nei mo nea fuli i ai, leia ko le Aliki o le lagi mo le kele, e leaise nofo fua a ia i ni fale tapu ala e fau e le lima o le tagata ;

Gaoi 17:25

ti e leaise tausi a ia e ni lima o tagata, o sakinake e aoga kiate ia se nea, a ia leia e soli ia ki tagata fuli le mauli, mo le tukumanava, ti mo nea fuli.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.